پاکستان تحریک انصاف (پی ٹی آئی) کے چیئرمین عمران خان نے 23 مئی کو نیب راولپنڈی میں پیش ہونے کا فیصلہ کرلیا۔
باغی ٹی وی : قومی احتساب بیورو (نیب) کی جانب سے چیئرمین تحریک انصاف عمران خان کو این سی اے 190 ملین پاؤنڈ اسکینڈل کیس میں تحقیقات کیلئے 22 مئی کو حاضری کا نوٹس بھیجا گیا تھا عمران خان نے نیب راولپنڈی میں پیش ہونے کیلئے نوٹس کا تحریری جواب بھجوا دیا ہے عمران خان نے 22 مئی کو نیب تحقیقات کا حصہ بننے سے معذرت کی اور 23 مئی کو نیب تحقیقات کا حصہ بننے پر رضا مندی ظاہرکردی –
پاکستان نے ایشیاکپ کے لیے دوسرا ہائبرڈ ماڈل پیش کردیا
عمران خان نے نیب سے انکوائری رپورٹ کی نقل بھجوانے یا وکیل کو فوری دینے کی درخواست کی خط میں عمران خان کا کہنا تھا کہ 16مئی کو بھیجے گئے نوٹس کا جواب میں نے فیکس کیا تھا، میں نے 22 مئی تک شاملِ تفتیش ہونے کے لیے اپنی عدم دستیابی کا بھی اظہار کیا میں 23 مئی کواپنی متعدد درخواست ضمانتوں کے لیے اسلام آباد آؤں گا، دن 11 بجے تک عدالتوں سے فری ہو کر شاملِ تفتیش ہونے نیب راولپنڈی پہنچوں گا۔
ملک بھر میں ماہ ذیقعد کا چاند نظر نہیں آیا
عمران خان نے کہا کہ گرفتاری کے بعد نیب کی انکوائری رپورٹ پولیس لائنز میں ہی چھوڑ آیا تھا، نیب انکوائری رپورٹ زمان پارک یا اسلام آباد میں میری لیگل ٹیم کو مہیا کرنے کی درخواست کی تھی،گوہرعلی خان کو نیب انکوائری رپورٹ مہیا کردیں تاکہ مجھے اہم نکات معلوم ہوں.
چیئرمین تحریک انصاف عمران خان نے نیب سے 190 ملین پاؤنڈ اسکینڈل کیس کی انکوائری رپورٹ کی نقل بھجوانے یا وکیل کو فوری فراہم کرنے کا مطالبہ بھی کیا ہے۔
پی آئی اے کا ایک اور فضائی میزبان کینیڈا میں مبینہ طور پر لاپتہ
