خاتون جج دھمکی کیس: عمران خان کی عدالت حاضری سے استثنیٰ کی درخواست منظور

خاتون جج کو دھمکی دینے سے متعلق کیس میں عمران خان کی آج عدالت حاضری سے استثنیٰ کی درخواست دائر کر دی گئی-

اسلام آباد کی مقامی عدالت نے خاتون جج کو دھمکانے کے کیس عمران خان کی حاضری سے استثنیٰ کی درخواست منظور کرلی۔

سیشن کورٹ اسلام آباد میں خاتون جج کو دھمکی دینے سے متعلق کیس کی سماعت ہوئی چیئرمین پی ٹی آ ئی عمران خان نے آج عدالت حاضری سے استثنیٰ کی درخواست دائر کر دی-درخواست میں کہا گیا کہ عمران خان کی صحت اجازت نہیں دیتی کہ اسلام آباد سفر کر سکیں، چیئرمین پی ٹی آ ئی عمران خان کی جان کو خطرہ سنجیدہ نوعیت کا ہے درخواست میں استدعا کی گئی کہ سیکیورٹی خدشات کے پیش نظر آج حاضری سے استثنیٰ دیا جائے-عمران خان کے وکیل نے کہا کہ عمران خان کو سیکیورٹی تھریٹس اور لاہور میں دفعہ 144 نافذ ہے، پنجاب حکومت نے پرامن ریلی پر شیلنگ اور ربڑ کی گولیاں برسائیں،عمران خان کی رہائش گاہ سے نقل حرکت کرنا مشکل ہے-

عمران خان سیکورٹی وجوہات کی بنا پر اسلام آباد کی عدالتوں میں پیش نہیں ہوں …

عدالت نے حاضری سے استثنیٰ کی درخواست منظور کرتے ہوئے کیس کی سماعت13 مارچ ملتوی کردی