توشہ خانہ کیس:چیئرمین تحریک انصاف کی حاضری سے استثنیٰ کی درخواست منظور

اسلام آباد کی مقامی عدالت نے توشہ خانہ فوجداری کیس میں چیئرمین تحریک انصاف عمران خان کی آج بھی حاضری سے استثنیٰ کی درخواست منظور کرلی۔

باغی ٹی وی : ایڈیشنل سیشن جج ہمایوں دلاور نے کیس کی سماعت کی، چیئرمین پی ٹی آئی کے وکیل بیرسٹر گوہر اور الیکشن کمیشن کے وکیل امجد پرویز پیش ہوئے بیرسٹر گوہر نے چیئرمین پی ٹی آئی کی آج حاضری سے استثنیٰ کی درخواست دی۔

چیئرمین پی ٹی آئی کے وکیل کی جانب سے پیر تک سماعت ملتوی کرنے کی استدعا پر وکیل الیکشن کمیشن نے اعتراض اٹھایا جج ہمایوں دلاور نے ریمارکس دیئے کہ استثنیٰ کی درخواست ہمیشہ منظورکی گئی جبکہ ایک دفعہ بھی ملزم پیش نہیں ہوا۔ کیس کی فائل میں صرف استثنیٰ کی درخواست کے علاوہ کچھ نہیں؟

عدالت نے عمران خان کی آج حاضری سے استثنیٰ کی درخواست منظور کرکے پیر کے روز حاضری یقینی بنانے کی ہدایت کردی کیس کی سماعت بغیر کارروائی کے 24 جولائی تک ملتوی کردی گئی۔

عدت میں نکاح سےمتعلق کیس:عمران خان اورانکی اہلیہ نےشکایت خارج کرنےکی درخواست دائرکردی

واضح رہے کہ گزشتہ روز توشہ خانہ فوجداری کارروائی کی سماعت یں چیئرمین پی ٹی آئی کے وکیل بیرسٹر گوہر اور شیر افضل مروت عدالت کے روبرو پیش ہوئے جج ہمایوں دلاور نے کہا کہ آپ لوگ جانتے ہیں شیر افضل مروت میرے بھی سینئر رہیں ہیں،شیر افضل مروت نے کہا کہ آپ کا شکریہ اچھے الفاظ میں یاد کیا ،ویسے میں بیرسٹر گوہر سے بھی سینئر ہوں-

جج ہمایوں دلاور نے کہا کہ کیس کی سماعت کل تک ملتوی کر رہا ہوں ،وکیل شیر افضل مروت نے کہا کہ پہلے بھی مجھے بولنے نہیں دیا تھا آج موقع دیں،کل کے بجائے پیر تک سماعت کو ملتوی کر دیں کوئی آسمان نہیں گر رہا ،بیرسٹر گوہر نے کہا کہ دیکھیں سماعت کل تک ملتوی کر دیں گے پھر دیکھ لیں گے،بمیرے ماموں کی وفات ہو گئی تھی مجھے جانا پڑا،جج ہمایوں دلاور نے کہا کہ بیرسٹر گوہر کے ماموں کی وفات پر فاتحہ پڑھ لیتے ہیں،کمرہ عدالت میں بیرسٹر گوہر کے ماموں کے ایصال ثواب کیکئے فاتحہ پڑھی گئی عدالت نے کیس کی سماعت آج صبح 9:30 بجے تک ملتوی کر دیا تھا-

جناح ہاؤس مقدمہ: چیئرمین پی ٹی آئی کو گرفتار کیا جائے یہ ضمانت کا کیس …