عمران خان کی نیندیں ایک ہفتہ حرام رہیں گی،مولانافضل الرحمان،غریب کا ٹھیلا ناجائز اور بنی گالا جائز ہے؟ حمزہ شہباز
اسلام آباد: پنجاب اسمبلی میں قائد حزب اختلاف حمزہ شہباز نے کہا ہے کہ چارسال اپوزیشن نے بے گناہ جیلیں کاٹی ہیں جب کہ عمران خان چار سالوں میں کرپشن کی ایک پائی بھی ثابت نہیں کرپائے-
باغی ٹی وی : حمزہ شہباز نے اسلام آباد میں مہنگائی مکاؤ مارچ میں جلسہ عام سے خطاب کرتے ہوئے کہا کہ تین دن سے سڑکوں پر ہیں، جگہ جگہ لوگوں نے پرتپاک استقبال کیا، عمران خان آپ کو گھر جانا ہوگا، تحریک عدم اعتماد بھاری اکثریت سے کامیاب ہوگی۔
عمران خان سیاسی مخالفین کے خلاف مذہب کارڈ استعمال کرتا ہے، مریم نواز
حمزہ شہباز ںے کہا کہ عوام آج ایک وقت کے کھانے کے لیے ترس گئے ہیں، 50 لاکھ گھر دینے کا وعدہ کرنے والے نے لوگوں کے گھر گرا دیئے، آج ہرطبقہ آپ سے تنگ آچکا ہے، گھروں میں بچے دودھ کیلئے ترستے ہیں والدین کے پاس پیسے نہیں، قیامت خیز مہنگائی نے عوام کی چیخیں نکال دی ہیں قوم پوچھتی ہے 50 لاکھ گھر کیوں نہیں بنے؟ قوم پوچھتی ہے تمہارے دعوے اور وعدے کہاں ہیں؟-
ن لیگ کے مرکزی رہنما حمزہ شہباز نے کہا کہ 50 لاکھ گھربنانا دورکی بات ،تجاوزات کے نام پرلوگوں کےگھرگرادیےگئے، بنی گالا کے گھر کو ریگولرائزکردیا گیا، غریب کا ٹھیلا ناجائز اور بنی گالا جائز ہے؟ قوم توشہ خانہ کا حساب مانگتی ہے۔
حمزہ شہباز نے کہا کہ پیٹرولیم مصنوعات اوربجلی گیس کی قیمتیں مسلسل بڑھ رہی ہیں، تم نے شہبازشریف کے میثاق معیشت کو مذاق بنا دیا، چارسال اپوزیشن نے بے گناہ جیلیں کاٹی ہیں جب کہ تم چار سالوں میں کرپشن کی ایک پائی بھی ثابت نہیں کرپائے تحریک عدم اعتماد کرسی کے لیے نہیں ہے، عمران نیازی کی گرتی ہوئی دیوار کو ایک دھکا دینا ہوگا۔
ابھی تو پنجاب میں گیم شروع ہوا ہے، پرویز الٰہی کیسے وزیراعلیٰ بن گئے؟،لیگی…
دوسری جانب اسلام آباد میں پاکستان ڈیموکریٹک موومنٹ (پی ڈی ایم) کے جلسے کے دوران خطاب کرتے ہوئے مولانا فضل الرحمان نے متحدہ اپوزیشن کے جلسے کو ختم کرنے کا اعلان کیا۔
جلسے سے خطاب کرتے ہوئے مولانا فضل الرحمان نے کہا کہ ناجائز حکمرانی کے خلاف آپ کی جدوجہد کو سلام پیش کرتا ہوں، اب اس حکومت کے خاتمے کا وقت قریب آچکا ہے، ایسی ناجائز ، نااہل حکومت کا ایسا خاتمہ کیا جائے کہ دوبارہ ایسی حکمرانی کا کوئی سوچ بھی نہیں سکے گا۔
شہر اقتدار میں جمعیۃ علماء اسلام کا عوامی قوت کا مظاہرہ
اتنے سارے لوگ کہہ کیا رہے ہیں !!!#مہنگائی_مکاؤ_مارچ pic.twitter.com/vxvYCVxgjc— Maulana Fazl-ur-Rehman (@MoulanaOfficial) March 27, 2022
مولانا فضل الرحمان کا کہنا تھا کہ پاکستان میں جائز حکمرانی کے لیے آپ نے قربانیاں دی ہیں، قومی اسمبلی میں اس نا اہل کے خلاف باضابطہ عدم اعتماد کی تحریک پیش ہوچکی ہے، یہ بڑا بے آبرو ہوکر اس کوچے سے نکلے گا نا اہل حکمراں کہتا ہے میرے خلاف بیرونی قوتوں کی سازش ہے، عمران خان کی قسمت میں عزت نہیں، اس کی حیثیت گلی ڈنڈے جیسی ہے۔
اسلام آباد : قائد جمعیۃ مولانا فضل الرحمٰن مہنگائی مارچ سے خطاب کررہے ہیں ۔ pic.twitter.com/0w32caE2Ah
— Jamiat Ulama-e-Islam Pakistan (@juipakofficial) March 27, 2022
سربراہ پی ڈی ایم نے مزید کہا کہ تحریک عدم اعتماد کے بعد عمران خان کی نیندیں ایک ہفتے حرام رہیں گی تحریک انصاف کو معلوم ہی نہیں کہ امربالمعروف کے معنی کیاہیں جبکہ اسے نہ امر بالمعروف لکھنا آتا ہے اور نہ بولنا آتاہے، ہمارا جاہلوں سے واسطہ پڑاہے، جاہلوں کی باتوں کا جواب نہیں دیاجاتا۔
اسلام آباد : مہنگائی مکاؤ مارچ کے فضائی مناظر pic.twitter.com/RiCrQHPBAb
— Jamiat Ulama-e-Islam Pakistan (@juipakofficial) March 27, 2022
پی ڈی ایم سربراہ کا کہنا تھا آزادی مارچ کے ثمرات حاصل کرنے کے قریب پہنچ گئے ہیں جبکہ ہم کامیابی کے قریب ہیں اوران شاء اللہ یہ جنگ جاری رہے گی عمران خان اس وقت ہمارے شکنجے میں ہیں، اس کے گریبان پر ہمارا ہاتھ پہنچ گیا ہے، عمران تم اپنی خیر مناؤ اور دوسروں کی باتیں کرنا چھوڑ دو۔
انہوں نے کہا کہ عمران خان کہتا ہے کہ میاں نوازشریف اربوں روپے بھیج کر ججوں کو خرید رہا ہے، ہم مطالبہ کرتے ہیں ان کو عدالت میں کھڑا کرکے پوچھا جائے اور عدالت عظمی کے کردار کو مشکوک بنانے کا نوٹس لیاجانا چاہیے۔