اپریل 2022 میں عمران خان سے ملاقات کرنیوالی الہان عمر چوتھی بار کامیاب

اپریل 2022 میں سابق وزیراعظم عمران خان سے ملاقات کرنے والی خاتون امریکی رکن کانگریس الہان عمر چوتھی بارجیت گئی ہیں اور امریکی کانگریس کی رکن منتخب ہو گئی ہیں

خبرر ساں ادارے کے مطابق صومالی نژاد مسلم خاتون الہان عمر نے چوتھی بار کامیابی حاصل کی ہے،الہان عمر کی مخالف امیدوار اسرائیل کی حامی تھی،الہان عمر، جو مینیسوٹا کے پانچویں ضلع کی نمائندگی کر رہی ہیں، کی مد مقابل ریپبلکن امیدوار دالیہ العقیدی تھیں، جو ایک عراقی نژاد تارکین وطن ہیں اور خود کو سیکولر مسلمان قرار دیتی ہیں تاہم وہ اسرائیل کی حمایت کرتی ہیں تا ہم الہان عمر فلسطینیوں کے حقوق کے لیے آواز اٹھانے والی ایک معروف شخصیت ہیں۔

87 فیصد ووٹوں کی گنتی کے مطابق الہان عمر نے 76.4 فیصد ووٹ حاصل کیے، جبکہ دالیہ العقیدی کو صرف 23.6 فیصد ووٹ ملے، اس کامیابی کے ساتھ، الہان عمر نے چوتھی بار کانگریس کی رکنیت حاصل کی ہے، علاوہ ازیں ڈیموکریٹک امیدوار راشدہ طلیب بھی مشی گن کی نشست پر کامیاب ہوگئی ہیں راشدہ طلیب بھی غزہ میں اسرائیل کی جارحیت کے خلاف متعدد بار آواز اٹھا چکی ہیں۔

الہان عمر پاکستان کا دورہ بھی کر چکی ہیں، اپریل 2022 میں سابق وزیراعظم عمران خان سے انہوں نے بنی گالہ میں ملاقات کی تھی، الہان عمر نے صدر مملکت سے بھی ملاقات کی تھی، شیریں مزاری نے اپنے ٹوئٹ میں عمران خان کے ساتھ لی گئی امریکی رکن کانگرس کی تصویر شئیر کی اور کہا کہ عمران خان سے امریکی رکن کانگریس الہان عمر نے بنی گالا میں ملاقات کی، ملاقات کے دوران اسلاموفوبیا اوراس سے متعلقہ امورپربات چیت کی گئی۔

الہان عمرکے والدین کا تعلق صومالیہ سے ہے ، الہان کے خاندان نے 1997 میں منی سوٹا میں رہائش اختیار کی، جہاں صومالی افراد کی بڑی تعداد مقیم ہے۔ گزشتہ برسوں میں الہان عمر کو امریکہ میں کئی بار امتیازی سلوک کا سامنا کرنا پڑا اور انہیں قتل کی دھمکیاں بھی دی گئی ۔

ٹرمپ کی وائٹ ہاؤس میں واپسی امریکہ کے لیے ایک نیا آغاز،اسرائیلی وزیراعظم

ٹرمپ کی فاتحانہ تقریر،ایلون مسک کی تعریفیں”خاص”شخص کا خطاب

ٹرمپ کا شکریہ،تاریخی کامیابی دیکھی،جے ڈی وینس

ٹرمپ کو دوبارہ صدر منتخب ہونے پر بلاول کی مبارکباد

واضح رہے کہ وائٹ ہاؤس کا نیا مکین مل گیا،ڈونلڈ ٹرمپ امریکی صدر منتخب ہو گئے ہیں، ٹرمپ امریکہ کے 47 ویں صدر منتخب ہوئے ہیں، اب تک کے نتائج کے مطابق ٹرمپ277ووٹ لے چکے ہیں،

امریکی انتخابات،کئی علاقوں میں ووٹرز کو شدید بارش اور طوفانی موسم کا سامنا

امریکی انتخابات،غزہ جنگ نے عرب،مسلم ووٹرز کو جل سٹائن کی طرف کیا مائل

امریکی انتخابات،ٹک ٹاک نے نوجوانوں کےسیاسی خیالات بدل ڈالے

کملا ہیرس کی کامیابی کے لئے بھارت کے مندروں میں دعائیں