ایم ایف کو معلوم ہے کہ پاکستان میں موجودہ امپورٹڈ حکومت کی اکثریت کمزور ہے اور لوگ سڑکوں پر آسکتے ہیں.
سابق وفاقی وزیر شیخ رشید کا کہنا ہے کہ: ایم ایف کو معلوم ہے کہ موجودہ حکومت کی اکثریت کمزور ہے اورلوگ سڑکوں پر آسکتےہیں۔ انہوں نے مزید دعوی کیا کہ پیٹرول اوربجلی مزید مہنگی ہونے جارہی ہے اور وہ وقت دورنہیں جب کارخانیں اوردکانیں بند ہونگی، لوگ سڑکوں پرہونگے۔انکا کہنا تھا کہ: سیلاب سیاسی پوائنٹ اسکورنگ بن گیا ہے۔ ڈالر3روپے اور بڑھ گیاہے۔دوست ممالک سرمایہ کاری کی بات کررہے ہیں،کیش کی نہیں
حکومت کو ممنوعہ فنڈنگ،توشہ خانہ اورتوہین عدالت کیسز سے کچھ نہیں ملے گا۔وزیروں کاجمعہ بازارلگا ہے،کئی وزیربے محکمہ،بے دفتراور آئین سے زیادہ ہیں۔میں انکی آئین سے اضافی تعداد پرہائیکورٹ جاسکتا ہوں۔بجلی کے بل یا چوہلے میں سےایک ہی چل سکتا ہے۔اپنےبچوں کوبھوک سے مرتےکوئی نہیں دیکھ سکتا
— Sheikh Rashid Ahmed (@ShkhRasheed) September 3, 2022
سابق وفاقی وزیر شیخ رشید کا خیال ہے کہ: حکومت کو ممنوعہ فنڈنگ،توشہ خانہ اورتوہین عدالت کیسز سے کچھ نہیں ملے گا۔وزیروں کاجمعہ بازارلگا ہوا ہے،کئی وزیربے محکمہ،بے دفتراور آئین سے زیادہ ہیں۔میں انکی آئین سے اضافی تعداد پرہائیکورٹ جاسکتا ہوں۔ شیخ رشید کے مطابق: بجلی کے بل یا چوہلے میں سےایک ہی چل سکتا ہے۔اپنےبچوں کوبھوک سے مرتےکوئی نہیں دیکھ سکتا.
دوسری جانب آئی ایم ایف معاہدے کے تحت حکومت گیس کے نرخ، ایندھن پر جی ایس ٹی بڑھانے کی پابند ہے، اور حکومت نے عالمی مالیاتی فنڈ (آئی ایم ایف) پلان کے نفاذ کے تحت یوٹیلیٹی کی قیمتوں کے مزید جھٹکے دے گی جس میں گیس کے نرخوں میں 53 فیصد سے زیادہ اضافہ، پیٹرولیم مصنوعات پر جنرل سیلز ٹیکس کی بحالی اور مزید سبسڈیز کی واپسی شامل ہے۔
ایک خبر کے مطابق: آئی ایم ایف نے توسیعی فنڈ سہولت (ای ایف ایف) کے ساتویں اور آٹھویں جائزے کی تکمیل پر 112 صفحات پر مشتمل ایک تفصیلی ملکی رپورٹ جاری کی۔ ان جائزوں کے تحت پاکستان نے گریڈ 17 سے 22 کے افسران اور کابینہ اور پارلیمنٹ کے ارکان کے الیکٹرانک طور پر جمع کرائے گئے ٹیکس اور اثاثوں کی تفصیلات کو عوام کیلئے نہیں بلکہ مجاز اداروں کو دستیاب کرنے کا بھی عہد کیا ہے۔
حکومت نے آئی ایم ایف کے ساتھ رواں سال کے دوران گیس صارفین سے تقریباً 786 ارب روپے کی وصولی کا وعدہ کیا ہے جو کہ آئل اینڈ گیس ریگولیٹری اتھارٹی (اوگرا) کی جانب سے جون کے لیے مقرر کردہ گیس کی قیمتوں میں 45 فیصد اضافے سے تقریباً 120 ارب روپے زیادہ ہے۔ اس کے نتیجے میں گیس کے شعبے کے گردشی قرضے کو کم کرنے کے لیے گیس ٹیرف میں 53 فیصد اضافہ ہو گا جسے حکومت نے مارچ کے آخر تک 12 کھرب 30 ارب روپے رکھا تھا۔
