ڈی آئی جی آپریشنزکا اعلان ،لاہورکو بنائیں گے امن کا گہوارہ ،اہم اجلاس میں اہم فیصلے

لاہور :ڈی آئی جی آپریشنزکا اعلان ،لاہورکو بنائیں گے امن کا گہوارہ ،اہم اجلاس میں اہم فیصلے ،اطلاعات کے مطابق آج ڈی آئی جی آپریشنز رائے بابر سعید کی زیر صدارت کرائم کنٹرول بارے جائزہ اجلاس منعقد ہوا جس میں لاہور اوردیگرعلاقوں میں امن وامان کی صورت حال کا جائزہ لیا گیا

ذرائع کےمطابق اس اہم اجلاس میں آپریشنز ونگ کے تمام ایس پیز،ایس ڈی پی اوز، ڈی ایس پیز، ایس ایچ اوز .ایس پیز ڈولفن سکواڈ اور ہیڈ کوارٹرزسمیت متعلقہ افسران نے شرکت کی اورامن وامان کے حوالے سے ہونے والے اہم فیصلوں سے آگاہ بھی ہوئے

اس اجلاس میں امن و امان، کرائم کنٹرول کے حوالے سے افسران کی مجموعی کارکردگی و اقدامات کا جائزہ۔لیا گیا ، اس کے علاوہ ایس ایچ او گڑھی شاہو سب انسپکٹر ندیم خالد ناقص کارکردگی پر معطل،لائن حاضرکیا یگا ، جبکہ ڈی آئی جی آپریشنز کی دیگر ایس ایچ اوز کو کارکردگی بہتر بنانے کے لئے وارننگ بھی جاری کردی

اس موقع پر ڈی آئی جی آپریشنز رائے بابر سعید کا کہنا تھا کہ تمام افسران و اہلکار پٹرولنگ کریں،شہریوں کا تحفظ یقینی بنائیں۔سنگین واردات کی صورت میں ایس پیز خود جائے وقوعہ کا دورہ کر یں۔ڈولفن سکواڈ اور پولیس ریسپانس یونٹ اپنا ریسپانس ٹائم بہتر بنائیں،خود چیک کروں گا۔

ڈی آئی جی آپریشنز رائے بابر سعید کا کہنا تھا کہ ایف آئی آر ہونے کے بعد ملزمان کو ٹریس اور گرفتار کرنا ایس ایچ او کی ذمہ داری ہے،ڈکیتی قتل کی وارداتوں میں ملزمان کی گرفتاری کے لئے ایس ایچ اوز کی کارکردگی کاروزانہ کی بنیاد پر جائزہ لیں گے۔مسلسل ناقص کارکردگی اور ضابطہ اخلاق کی خلاف ورزی کرنے والے ایس ایچ اوز کو تبدیل کر دیں گے۔

اشتہاری مجرموں، گینگز، پیشہ ور بھکاریوں اور پتنگ بازوں کے خلاف مہم میں مزید تیز کریں۔رات کے وقت پتنگ بازی کے واقعات کا تدارک کریں۔اشتہاری ملزمان کی گرفتاری کے لئے تھانوں کی سطح پر سپیشل ٹیمیں متحرک کریں۔ تھانوں میں نفری،لاجسٹک کی کمی پوری کی جا رہی ہے۔

ڈی آئی جی آپریشنز رائے بابر سعید کا کہنا تھا کہ ایس ایس پی آپریشنز اچھی اور ناقص کارکرگی والے ایس ایچ اوز کی فہرستیں تیار کریں۔ جس ایس ایچ او کی حدود میں قمار بازی، منشیات فروشی اور قحبہ خانوں کی شکایت آئی،سخت ایکشن لوں گا۔ڈی آئی جی آپریشنز کی مساجد میں سکیورٹی ڈیوٹی اور کورونا احتیاطی تدابیر کی اچھی انفورسمنٹ پر ایس ایچ او ز کو شاباش بھی دی گئی

اس اہم اجلاس میں گفتگو کرتے ہوئے ایس ایس پی آپریشنز فیصل شہزاد کا کہنا تھا کہ ایس پیز پی ایم ڈی یو کے تحت سائلین کے مسائل کی بروقت دادرسی یقینی بنائیں۔نیشنل ایکشن پلان کے حوالے سے ڈویژنل ایس پیز کی مجموعی کارکردگی کا ہفتہ وار جائزہ لیا جائے گا۔