عمران عباس کی والدہ کے انتقال پر شوبز شخصیات کا اظہار افسوس

ڈرامہ انڈسٹری کے معروف اداکار عمران عباس کی والدہ کا گزشتہ روز انتقال ہوا ہے ملکی و غیرملکی شوبز شخصیات کی جانب سے افسوس کا اظہار کیا جا رہا ہے-

باغی ٹی وی : اداکار عمران عباس نے سماجی رابطے کی ویب سائٹ انسٹاگرام پر اپنی والدہ کے انتقال کی خبر پوسٹ کرتے ہوئے لکھا کہ میں نے آج اپنی جنت کھو دی اداکار نے اپنی ماں کے قدموں کو بوسہ دینے کی تصویر بھی شیئر کی اور کیپشن میں لکھا کہ الوداع میری ماں، میں اب ان قدموں کو دوبارہ چوم نہیں سکوں گا۔

عمران عباس نے اپنی جذباتی پوسٹ میں مداحوں سے اپیل کی کہ میری ماں کے ایصال ثواب کے لیےسورۃ الفاتحہ پڑھیں۔ فیس بک پر اپنی پوسٹ میں والدہ کے انتقال کی خبر دیتے ہوئے عمران عباس نے بتایا کہ آج ہی کے دن دو سال قبل میرے والد کا بھی انتقال ہوا تھا۔

سوشل میڈیا صارفین اور عمران عباس کے مداحوں نے ان سے دلی تعزیت کرتے ہوئے مرحومہ کے درجات کی بلندی کے لیے دعا کی-

اداکارہ سجل علی نے کہا کہ عمران مضبوط رہو، اللّٰہ تعالیٰ آپ کی والدہ کو جنت الفردوس میں اعلیٰ مقام عطا کرے، آمین اداکار عدنان انصاری نے بھی افسوس کا اظہار کیا-

ترک اداکار جلال ال نے بھی افسوس کا اظہار کرتےہوئے مرحومہ کے درجات کی بلندی کے لیے دعا کی-

اداکارہ تارہ شفقت نے افسوس کا اظہار کرتے ہوئے کہا کہ اللّٰہ تعالیٰ آپ کی والدہ کو جنت الفردوس میں اعلیٰ مقام عطا کرے اور اس نقصان کو صبر سے برداشت کرنے کی توفیق دے-

علاوہ ازیں بالی ووڈ کی معروف گلوکارہ الکا یاگنگ نے بھی افسوس کا اظہار کیا کہا کہ میں جانتی ہوں یہ کتنا بڑا دکھ ہے خدا آپ کو یہ صدمہ صبر سے برداشت کرنے کی توفیق دے اور مضبوط رہو اپنا خیال رکھو-

صنم جنگ کا کہنا تھا کہ ’اللّٰہ آپ کو صبر اور والدہ کو جنت میں اعلیٰ مقام دے۔ اداکارہ مشال خان نے کہا کہ’وہ بہت دعائیں کر رہی ہیں، وہ دعا کرتی ہیں کہ اللّٰہ آپ کی والدہ کو جنت میں اونچے مقام سے نوازے جبکہ نادیہ حسین، مشال خان، سجل علی، صنم جنگ، سنیتا مارشل، صرحا اصغر نے بھی افسوس کا اظہار کرتے ہوئے دکھ کے ان لمحات میں عمران عباس کو دلاسہ دیا۔