انسپکٹر عمران عباس شہید کی شہادت کے بعد ان کے بچوں کے سکول کا پہلا دن،سی پی او محمدا حسن یونس انسپکٹر عمران عباس شہید کے بچوں کو سکول چھوڑنے خود ساتھ گئے-
باغی ٹی وی : تفصیلات کے مطابق ایس ایس پی آپریشنز راۓ مظہر اقبال بھی سی پی او کے ہمراہ تھے،شہید کے بچوں کو سکول چھوڑنے کے لئے ٹریفک، ڈولفن اور ایلیٹ فورس کے سکواڈ بھی ہمراہ گئے-
انسپکٹر عمران عباس کی شہادت کے بعد شہید کے بچے آج پہلے دن سکول گئے ہیں سکول پرنسپل، اساتذہ اور طلباء نے شہید کے بچوں کا استقبال کیا اور پھولو ں کے گلدستے پیش کئے-
سی پی او کاکہنا تھا کہ بچوں کے والد انسپکٹر عمران عباس اور دادا سب انسپکٹر میاں محمد عباس دونوں نے ملک و قوم کے لئے جان قربان کی اس خاندان کی عظیم قربانیاں ناقابل فراموش ہیں-
سی پی او محمد احسن یونس نے کہا کہ سی پی او کی سکول پرنسپل سے ملاقات، بچوں کی بہترین تعلیم کے لیے تمام اقدامات اٹھائے جائیں گے-
