عمران اشرف کا ڈائیلاگ میں ہوں میرے ساتھ بھی میں ہوں حقیقت بن گیا

پاکستان شوبز انڈسٹری کے معروف اداکار عمران اشرف کا مقبول ترین ڈائیلاگ ’میں ہوں میرے ساتھ بھی میں ہوں‘ حقیقت بن گیا-

باغی ٹی وی : پاکستان ڈرامہ انڈسٹری کو ایک کے بعد ایک ہٹ ڈرامہ دینے والے اور حیت انگیز اداکاری کی صلاحیتوں کے مالک اداکار عمران اشرف نے اپنے معروف ڈائیلاگ کو حقیقت میں تبدیل ہوتے دیکھ کر خوشی کا اظہار کیا ہے۔

عمران اشرف نے سماجی رابطے کی ویب سائٹ انسٹا گرام پر ایک پوسٹ شیئر کی جس میں ایک غیر ملکی دولہا ہاتھوں میں شادی کا گلدستہ پکڑے خوشی کا اظہار کررہا ہے۔

تصویر میں ہی لکھا ہوا ہے کہ ’میں ہوں اور میرے ساتھ بھی میں ہوں، ڈائیلاگ حقیقت بن گیا۔

اداکار عمران اشرف نے اپنی پوسٹ میں اس تصویر کی وضاحت دی کہ برازیل کے ایک شخص نے آخری لمحات میں منگیتر کے انکار کے بعد اپنے آپ سے شادی کرلی۔