توشہ خانہ کیس ،نیب نے عمران خان اور بشری بی بی کو پھر 26 جون کو طلب کرلیا
نیب نے عمران خان کو توشہ خانہ کیس میں اور اہلیہ بشری بی بی کو 190 ملین پاؤنڈ کیس میں 26 جون کو ایک بار پھر طلب کر لیا ہے، عید سے قبل عمران خان و بشریٰ بی بی کو طلب کیا گیا ہے، القادر ٹرسٹ کیس میں بشریٰ بی بی اور عمران خان ضمانت پر ہیں ،احتساب عدالت اسلام آباد نے چار جولائی تک بشریٰ بی بی کی ضمانت منظور کر رکھی ہے ،عمران خان کی ضمانت میں بھی اسلام آباد کی احتساب عدالت نے چار جولائی تک توسیع کی تھی
https://twitter.com/GFarooqi/status/1672542750007525376
توشہ خانہ کیس میں نیب کی بھی تحقیقات جاری ہیں، نیب نے سابق وزیراعظم عمران خان سے سوالات پوچھے ہیں تو عمران خان نے توشہ خانہ نوٹسز کے خلاف عدالت سے رجوع کر لیا ہے،عمران خان سے توشہ خانہ کیس کی تحقیقات کے دوران نیب نے 12 سوالات پوچھے ہیں اور تحائف کی رسیدیں بھی مانگ لی گئی ہیں، نیب کا سوالنامہ اسلام آباد ہائیکورٹ میں جمع کروا دیا گیا،نیب کی جانب سے عمران خان سے پوچھا گیا ہے کہ آپ نے توشہ خانہ سے حاصل گفٹ کتنی بار فروخت کئے، کون سی چیزیں بیچیں، کب اور کس کو تحفے فروخت کئے۔ کیا ان ٹرانزیکشنز میں کوئی مڈل مین یا ویمن شامل تھی۔ عمران خان سے کہا گیا ہے کہ تحائف کی خریداری اور فروخت میں شامل ہر فرد کی تفصیل فراہم کریں۔ نیب نے ایف 7 کی دکان پر مبینہ طور پر فروخت ہونیوالے تحائف کی تفصیل بھی مانگ لی۔ سوالنامے میں مزید پوچھا گیا ہے کہ بطور وزیراعظم کتنے تحفے لئے۔ عمران خان سے بطور شواہد تحائف کی تصاویر بھی مانگی گئی ہیں۔ مزید پوچھا گیا کہ تحائف کی فروخت سے حاصل رقم بینک یا کیش کی صورت میں لی؟
باغی ٹی وی کی جانب سے بہترین کارکردگی پر ٹیم کو اعزازی شیلڈ دی گئیں،
مولانا طارق جمیل کے اکاؤنٹ میں اربوں کہاں سے آئے؟ مولانا طارق جمیل کا خصوصی انٹرویو
