عمران خان، جنرل باجوہ روضہ رسولؐ پر حاضری دیں، کرونا بھی ختم ہوجائے گا،بلائیں بھی ٹل جائیں گی :چوہدری شجاعت حسین

لاہور:عمران خان، جنرل باجوہ روضہ رسولؐ پر حاضری دیں، کرونا بھی ختم ہوجائے گا،بلائیں بھی ٹل جائیں گی :چوہدری شجاعت حسین،اطلاعات کےمطابق سابق وزیر اعظم چوہدری شجاعت حسین نے کورونا سے بچاؤ کے لیے اپنے ویڈیو بیان میں تمام مسلمان حکمرانوں کو خانہ کعبہ اور روضہ رسول پر حاضری کا مشورہ دے دیا۔

پاکستان مسلم لیگ کے سربراہ چوہدری شجاعت حسین نے کہا کہ وزیر اعظم عمران خان اور آرمی چیف جنرل قمر جاوید باجوہ روضہ رسول پر حاضری دیں۔ عمران خان امت مسلمہ کے تمام لیڈروں کو خانہ کعبہ اور روضہ رسول لیکر جائیں۔ سب حکمران گڑگڑا کر معافی مانگیں تو امید ہے سب کی دعا قبول ہوجائے گی،جب تک اللہ تعالیٰ اور نبی پاک کی محبت قریب نہیں ہوگی اس وقت تک کوئی کام نہیں ہوگا۔

چوہدری شجاعت حسین نے مزید کہا ایٹم بم اور میزائلوں سے دنیا فتح کرنے والوں کو معلوم نہیں کہ پلا نر کوئی اور ہے ، دنیا کے بڑے بڑے منصوبہ سازوں کی پلاننگ اللہ تعالیٰ کی پلاننگ کے سامنے کچھ بھی نہیں۔ کرونا کا عذاب ثابت کرتا ہے کہ اللہ تعالی ناراض ہیں جنہیں آنسو ؤں میں تر معافی سے منانا ہوگا، تبھی اس وبا سے نجات ملے گی اور خلق خدا سکون کا سانس لے گی۔