آپ بھی کچھ کام کریں، پچھلے سوا سال میں کیا کام کیا ہے:بزدارسے عمران خان کی بازپرس

لاہور:آپ بھی کچھ کام کریں، پچھلے سوا سال میں کیا کام کیا ہے:بزدارسے عمران خان کی بازپرس،اطلاعات کےمطابق سینئرصحافی عمران یعقوب خان کاکہناہےکہ وزیراعظم عمران خان نے وزیراعلی پنجاب عثمان بزدارسے سخت رویہ اپناتےہوئےکہاکہ چیف سیکرٹری اورآئی جی پنجاب تو اب آئےہیں،آپ نے پچھلےسواسال میں کیاکام کیاہے۔

عمران خان معاملات حل کرنے کے خواہاں :وفاقی حکومت کا کلیم امام کو ہٹانےکی درخواست…

ذرائع کے مطابق ایک نجی ٹی وی کے پروگرام”ویو پوائنٹ ” میں گفتگو کرتے ہوئے عمران یعقوب نے کہا کہ وزیراعظم عمران خان نے آج دورہ لاہور میں گورنر پنجاب چودھری سرور اور سپیکر پنجاب اسمبلی چودھری پرویز الہی سے ملاقات نہیں کی ،اور انہوں نے ایک اہم پیغام بھی دیا کہ مجھے سب معلوم ہے کہ کون سازش کر رہا ہے ،اس لیے سب درست ہو جائیں۔انہوں نے ممکنہ طور پر ان تمام لوگوں کو یہ پیغام دیا ہے جو سازش کر سکتے ہیں۔

آج سے 100 سال قبل سعودی عرب کیساتھا؟ریاض کے قدیم بازار کی 100 سال پرانی تصویر

سنیئرصحافی عمران یعقوب نے انکشاف کیا ہے کہ وزیراعظم سے وزیراعلی پنجاب عثمان بزدار کی ملاقات اچھی نہیں رہی ،عمران خان نے کہا کہ پنجاب کے وزیراعلی عثمان بزدار ہی رہیں گے ،مگر وزیراعظم نے عثمان بزدار سے ناراضی کا بھی اظہار کیا ۔

بھارتی یوم جمہوریہ کا جشن منافقت ہے، محبوبہ مفتی

عمران یعقوب نے یہ بھی انکشاف کیا کہ آج کی ملاقات میں عثمان بزدار نے عمران خان سے شکایت کی کہ منتخب ارکان اسمبلی کو عزت نہیں دی جاتی،ارکان صوبائی اسمبلی میرے پاس شکوے لے کر آتے ہیں کہ سرکاری افسران ہماری سنتے نہیں ہیں لیکن میں ارکان کو کیا بتاؤں کہ افسر تو میری بھی نہیں سنتے ۔جس پر وزیراعظم نے کہا کہ چیف سیکرٹری اور آئی جی پنجاب تو اب آئے ہیں ،اس سے پہلے آپ نے سوا سال میں کیا کام کیا جو میں کہہ سکوں کہ آپ نے اچھا کا م کیا ہے۔