عمران خان کشمیر کے لیے بہترین سفیر ، ٹرمپ کے مشیر کا اعتراف

عمران خان نے اقوام متحدہ میں ثابت کردیا ہے کہ وہ کشمیر کے بہترین سفیر ہیں، امریکی صدر کے مشیر کا اعتراف

باغی ٹی وی رپوررٹ : امریکی صدر ڈونلڈ ٹرمپ کے مشیر ساجد تارڑ کا کہنا ہے کہ عمران خان نے اقوام متحدہ میں ثابت کردیا ہے کہ وہ کشمیر کے بہترین سفیر ہیں۔ مگر مسئلہ کشمیر پر پاکستان میں سیاسی قیادت شرارتیں کررہی ہے، عمران خان کی اپنی ٹیم بھی نااہل ہے جس کا نقصان کاز کو ہوگا۔

انہوں نے بتایا کہ ڈونلڈ ٹرمپ پریشر کے باوجود مودی کی بات ماننے کو تیار نہیں ہیں، ہیوسٹن ریلی سے ایک دن قبل 25 بلین ڈالرز کی سرمایہ کاری بھارتی کمپنیوں نے کی جبکہ بھارت کی جانب سے 5 ملین ڈالر ان کی مہم میں جمع کرایا گیا اس کے باوجود مودی ناکام ہیں اور وہ کشمیر کو بھارت کا اندرونی معاملہ ثابت کرنے میں ناکام رہے۔ اتنی بڑی سرمایہ کاری کے باوجود ڈونلڈ ٹرمپ کی جانب سے پاکستان مخالف بیان کا نہ آنا پاکستان کی سفارتی کامیابی ہے۔ نجی ٹی وی کے پروگرام میں پی جے میر سے گفتگو کرتے ہوئے انہوں نے کہا کہ جیسے بھارت متحد ہے ویسے پاکستان اندرونی طور پر متحد نہیں جس کے نتائج بھیانک ہوسکتے ہیں