وزیراعظم نے گیس انفرااسٹرکچر ڈیولپمنٹ سیس کے بارے میں آرڈیننس واپس لینے کا فیصلہ کیا ہے،
باغی ٹی وی کی رپورٹ کے مطابق ترجمان وزیر اعظم آفس کی جانب سے کہا گیا ہے کہ وزیراعظم کی اٹارنی جنرل کو جی آئی ڈی سی معاملے پر سپریم کورٹ سے رجوع کرنے کی ہدایت کی گئی ہے، وزیراعظم نے حالیہ تنازع پرشفافیت یقینی بنانےکیلیے آرڈیننس واپس لینے کا فیصلہ کیا ہے، اٹارنی جنرل کوجلد سماعت کیلیے سپریم کورٹ میں درخواست جلد دائر کرنے کی ہدایت کی گئی ہے، سپریم کورٹ نےجی آئی ڈی سی کوغیرقانونی قراردیاتھا،
ترجمان وزیر اعظم آفس کی جانب سے کہا گیا ہے کہ سپریم کورٹ نےوفاقی حکومت کی نظرثانی درخواست بھی خارج کردی تھی، نئی قانون سازی کی گئی جسےصوبائی ہائی کورٹس میں چیلنج کیا گیا، سپریم کورٹ میں بھی مختلف اپیلیں زیرالتوا ہیں، آرڈیننس کامقصد عدالت کےباہرمذاکرات کےذریعے 50فیصدرقم وصول کرنا تھا،
یاد رہے کہ گزشتہ دنوں صدارتی آرڈیننس کے ذریعے گیس ڈیولپمنٹ سرچارج کی مد میں 208 ارب روپے معاف کیے گئے تھے جس پر گزشتہ روز وفاقی کابینہ میں بھی وزراء نے اعتراض اٹھایا تھا جنہیں مشیر خزانہ نے بریفنگ دی تھی، وزیراعظم عمران خان نے معاشی ٹیم کو ہدایت کی تھی کہ وہ 208 ارب روپے معاف کرنے کی تفصیل قوم کے سامنے رکھے تاہم اب یہ آرڈیننس واپس لے لیا گیا ہے،
