لاہور : وزیراعظم عمران خان مشکل میں پڑ گئے ، اطلاعات کے مطابق لاہور سیشن کورٹ نے مسلم لیگ (ن) کے صدر شہباز شریف کی جانب سے ہتک عزت کے دعوے پر وزیراعظم عمران خان سے جواب طلب کرلیا۔
ذرائع کے مطابق ایڈیشنل سیشن جج امجد علی نے شہبازشریف کی درخواست پر سماعت کی۔ شہباز شریف کی جانب سے مصطفی رمدے نے عدالت میں دلائل دیے اور روزانہ کی بنیاد پر مقدمے کی سماعت کے لیے درخواست دائر کی۔
مصطفیٰ رمدے نے عدالت سے استدعا کی کہ عدالت عمران خان کا جواب جمع کرانے کا حق منجمند کرے۔علاوہ ازیں وزیراعظم عمران خان کی جانب سے ساجد منور عدالت میں پیش ہوئے تھے۔شہباز شریف کے وکیل کا کہنا تھا کہ عمران خان نے پانامہ لیکس کے معاملہ پر رشوت دینے کا جھوٹا الزام عائد کیا تھا۔
