وزیراعظم عمران خان کے دورہ چین کوحتمی شکل دے دی گئی ہے

باغی ٹی وی کی رپورٹ کے مطابق وزیراعظم عمران خان چین کے4 روزہ دورے پرپیر کوروانہ ہوں گے، وزیراعظم کے ہمراہ وفاقی وزرابھی چین جائیں گے ، شاہ محمود قریشی، شیخ رشید،خسروبختیار ،حفیظ شیخ ہمراہ ہوں گے، ڈی جی آئی ایس آئی بھی وزیراعظم عمران خان کے ہمراہ چین کا دورہ کریں گے

وزیراعظم عمران خان کے دورہ چین میں سی پیک، ایم ایل ون سمیت دیگر منصوبوں پربات چیت ہوگی ، وزیراعظم چینی قیادت سے مسئلہ کشمیر پر بھی بات کریں گے، پاک چین جوائنٹ کوآرڈینیشن کمیٹی کےمعاملات بھی زیرغورآئیں گے.

وزیراعظم عمران خان کے دورہ چین سے قبل وزیراعظم عمران خان کی زیر صدارت انتہائی اہم اجلاس ہوا جس میں وفاقی وزراء نے شرکت کی

اے پی پی کے مطابق اجلاس میں وفاقی وزیرِ منصوبہ بندی مخدوم خسرو بختیار، وفاقی وزیر توانائی عمر ایوب خان، وفاقی وزیر برائے سائنس اینڈ ٹیکنالوجی چوہدری فواد حسین، وفاقی وزیرِ ریلوے شیخ رشید احمد، وفاقی وزیر بحری امور علی زیدی، وزیراعظم کے مشیر تجارت عبدالرزاق داود، وزیراعظم کے معاون خصوصی برائے پٹرولیم ندیم بابر، چیئرمین سرمایہ کاری بورڈ زبیر گیلانی اوردیگر سینئر افسران نے شرکتِ کی۔

ٹرانسپورٹرز کے بعد تاجر برادری کی بھی وزیراعظم نے سن لی، بڑا حکم دے دیا

وزیراعظم کے خلاف حکومتی جماعت کے رہنما جاوید بدر نے سٹیزن پورٹل میں‌شکایت درج کروا دی

اجلاس میں سی پیک کے تحت مختلف منصوبوں پر پیش رفت کے ساتھ ساتھ معیشت کے دیگر اہم شعبہ جات میں دوست ملک چین سے دوطرفہ تعاون کو فروغ دینے پر تفصیلی غور کیا گیا۔ وزیرِ سائنس اینڈ ٹیکنالوجی نے ڈیجیٹل پے منٹ، بیٹری سٹوریج ریسرچ، زرعی آلات کی مینوفیکچرنگ، ڈرون ٹیکنالوجی، سولر سیل مینوفیکچرنگ اور نباتات و حیوانات سے متعلق ریسرچ جیسے اہم شعبوں کی نشاندہی کرتے ہوئے بتایا کہ جدید ٹیکنالوجی کے فروغ اور معیشت کے اہم شعبوں کی ترقی کے لئے پاک چین دوطرفہ تعاون کو مزید وسعت دینے کا بے شمار پوٹینشل موجود ہے۔

وفاقی وزیرِ منصوبہ بندی مخدوم خسرو بختیار نے اجلاس کو سی پیک کے تحت جاری منصوبوں پر پیش رفت اور مختلف منصوبوں پر عمل درآمدکی رفتار کو تیز کرنے کے حوالے سے اقدامات سے آگاہ کیا۔

اسلامی ممالک کا انگریزی چینل، کونسی فلمیں بنائیں گے، وزیراعظم نے بتا دیا

وزیراعظم عمران خان نے چین کی 70 ویں سالگرہ کے موقع پر سماجی رابطے کی ویب سائٹ ٹویٹر پر ٹویٹ کرتے ہوئے کہا کہ پاکستانی قوم کی جانب سے غیرمتزلزل دوست چین کومبارکباد دیتاہوں، ہمیشہ چین کی ترقی اورکرپشن کیخلاف جدوجہد کا معترف رہاہوں،

افغان طالبان مجھ سے ملنا چاہتے تھے لیکن کسی ملک کو اعتراض تھا، وزیراعظم

کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب

واضح رہے کہ وزیراعظم عمران خان اگلے ہفتے تین روزہ دورے پر چین روانہ ہو رہے ہیں جہاں انکی چینی صدر سے بھی ملاقات طے ہے، تین روزہ دورے میں مختلف معاہدے بھی ہوں گے، وزیراعظم کے دورہ امریکہ کے بعد چین کے دورے کو اہم سمجھا جا رہاہے

ادارے آئین میں رہ کر کام کریں، بلاول کی حکومت کو ایک بار پھر دھمکی