کشمیریوں کی شہادت اور ایل او سی کی خلاف ورزی پر عمران خان کی ٹویٹ آگئی

وزیر اعظم پاکستان عمران خان نے ٹویٹ کرتےہوئے کہا کہ بھارت نے انسانی حقوق کی خلاف ورزی کرتےہوئے کلسٹربموں کا استعمال کیا ہے . انہوں نے کہا کہ سلامتی کونسل عالمی امن اور خطے کی سلامتی کی صورت حال کا جائزہ لے.وزیر اعظم نے کہا کہ صدر امریکہ نے کشمیر پر ثالثی کی پیشکش کی ہے .سرحد پار کشمیریوں پر حملے اور ظلم و ستم کی مزمت کرتا ہوں.یہ حملہ 1983 کے عالمی قوانین کی خلاف ورزی ہے.

اس سےپہلے دیگر رہنما بھی بھارت کی اس جارحیت پر اپنا اپنا رد عمل پیش کر چکے ہیںِ.گزشتہ کئی ماہ سے بھارت کی جانب سے مقبوضہ کشمیر میں آرٹیکل 35 اے اور آرٹیکل 370 کے خاتمے کی باتیں کی جا رہی ہیں۔اسی سلسلے میں‌آج 7 کشمیریوں کو شہید کر دیا گیا .

مقبوضہ کشمیر میں آرٹیکل 35 اے اور آرٹیکل 370 کے خاتمے کے حوالے سے بھارت کی ہندو انتہا پسند حکمران جماعت بی جے پی کے کئی رہنما بیانات بھی داغ چکے ہیں۔

بھارت کی جانب سے آرٹیکل 35 اے اور آرٹیکل 370 کے خاتمے کی باتوں پر مقبوضہ کشمیر کے سابق وزرائے اعلیٰ فاروق عبداللہ اور محموبہ مفتی سمیت حریت قیادت اور کشمیری عوام شدید تحفظات کا اظہار کر چکے ہیں۔