عمران خان ملک میں قانون شکنی کو فروغ دینے لگے

پی ٹی آئی چیئرمین اور سابق وزیراعظم عمران خان کے جھوٹوں اور یو ٹرن کے بعد اب ان کے اندر چھپی قانون شکنی بھی باہر آنے لگی.

سابق وزیراعظم نے جب سے اقتدار کھویا ہے تب سے کبھی وہ عوام کو آپس میں لڑانے کی باتیں کرتے ہین تو کبھی ریاستی اداروں کے خلاف ہرزہ سرائی. عمران خان اپنے جھوٹوں اور یوٹرز کی وجہ سے بھی جانے جاتے ہیں،مگر ریاستی ادارے کے خلاف زبان درازی کے مقدمہ میں گرفتار شہباز گل کو بچانے کیلئے پی ٹی آئی چیئرمین عمران خان نے قانون شکنی کا” رحجان "بھی متعارف کرا دیا ہے.

پی ٹی آئی چیئرمین عمران خان کے عزائم شہباز گل کی گرفتاری اور دو دن مذید ریمانڈ دینے پر سامنے آئے،عمران خان نے اپنے چیف آف سٹاف شہبازگل کو جسمانی ریمانڈ پر دینے سے روکنے کیلئے ایڈیشنل چیف سیکرٹری اور انسپکٹر جنرل (آئی جی) پولیس جیل خانہ جات کو احکامات جاری کردیے۔عمران خان نے حکم دیا کہ ایمرجنسی پیدا کرکے شہباز گل کو فوری راولپنڈی کے کسی سرکاری ہسپتال بھیج دیں۔

عمران خان کو بتایا گیا کہ یہ غیرقانونی ہے اور ایسا نہیں کیا جاسکتا جس پر عمران خان نے اصرار کیا کہ نتائج کچھ بھی ہو ایسا ہی کیا جائے۔مگر عمران خان تو پہلے ہی آئین شکنی کے مرتکب ہو چکے ہیں جب ان کی حکومت کے خلاف عدم اعتماد لایا جارہا تھا تو ان کے ڈپٹی سپیکر نے آئین کے خلاف رولنگ دی اور عمران خان وزیراعظم ہاوسں خالی نہیں کر رہے تھے، تو بھلا موصوف قانون کا احترام کیسے کریں گے.؟

عمران خان اپنی غلط بات پر ہی مصر ہیں کہ جو میں کہتا ہوں ویسا ہی کیا جائے ،چاہے وہ قانون کے خلاف ہی کیوں نا ہو، پی ٹی آئی چیئرمین عمران خان کا قانون شکن رویہ ملک کیلئے انتہائی نقصان دہ ہو سکتا ہے.