وزیراعظم پاکستان عمران خان نے اہم اسلامی ملک کا دورہ منسوخ‌ کر دیا ہے،

کشمیر، یوم سیاہ، وزیراعظم عمران خان کا دنیا کے نام اہم پیغام

باغی ٹی وی کی رپورٹ کے مطابق نجی ٹی وی 92 نیوز نے اپنی ایک رپورٹ‌ میں دعویٰ کیا ہے کہ وزیراعظم عمران خان برادر اسلامی ملک سعودی عرب میں حالیہ دنوں میں ہونے والی سرمایہ کاری کانفرنس میں شریک نہیں‌ ہوں گے، مذکورہ ٹی وی چینل نے ذرائع کے حوالہ سے خبر دی ہے کہ وزیر اعظم عمران خان نے ملک کی موجودہ صورتحال کے پیش نظر اپنا دورہ سعودی عرب منسوخ‌ کیا ہے، یہ بھی کہا جارہا ہے کہ وزیر اعظم عمران خان کی جانب سے دورہ منسوخ کئے جانے کی وجہ وطن عزیز پاکستان میں سیاسی عدم استحکام اور مولانا فضل الرحمان کا آزادی مارچ ہے، سعودی عرب میں عالمی سرمایہ کاری کانفرنس 29 سے 31 اکتوبر تک منعقد ہونی ہے جس میں دنیا بھر کے لیڈرز شریک ہوں گے اور وزیراعظم عمران خان کو بھی سعودی عرب جانا تھا تاہم اب یہ دورہ ملتوی کئے جانے کی اطلاعات ہیں،

بھٹو اب لاڑکانہ میں زندہ کیوں نہیں رہا؟ بلاول جواب دیں؟ ایسا کس نے کہہ دیا

واضح‌ رہے کہ مولانا فضل الرحمن کی زیر قیادت اسلام آباد کی جانب آزادی مارچ کا باقاعدہ آغاز ہو گیا ہے، جے یو آئی کے آزادی مارچ کارواں کا آغاز کراچی کے علاقے سہراب گوٹھ سے ہوا، آزادی مارچ کی سربراہی جے یو آئی ف کے سربراہ مولانا فضل الرحمان کررہے ہیں، آزادی مارچ میں جے یو آئی (ف) کے رہنماؤں اور کارکنوں کے علاوہ مسلم لیگ (ن)، پیپلز پارٹی، اے این پی اور دیگر جماعتوں کے کارکنان بھی کثیر تعداد میں شریک ہیں،