راولپنڈی میں دو سے 3 مقامات پر کارکنوں کی رہائش کا انتظام کیا جائے،عمران خان

عمران خان نے لانگ مارچ سے متعلق راولپنڈی ڈویژن سے انتظامات کی رپورٹ طلب کر لی

چیئر مین پی ٹی آئی عمرا ن خان نے تمام ڈویژن کے قافلوں کی الگ الگ انتظامات کرنے کی ہدایت کر دی،چیئر مین پی ٹی آئی عمرا ن خان نے کارکنوں کے لیے خیمہ بستی تیار کرنے کی ہدایت کر دی،عمران خان نے رہنماؤں کو ہدایت کی کہ راولپنڈی میں دو سے 3 مقامات پر کارکنوں کی رہائش کا انتظام کیا جائے،دوردراز علاقوں سے آنے والے کارکنوں کو ایک روز پہلے روالپنڈی پہنچنے کا ٹارگٹ دے دیا گیا، تحریک انصاف کے رہنما فیاض چوہان کا کہنا ہے کہ کارکنوں کے قیام کے انتظامات جاری ، کل تک حتمی شکل دے دی جائے گی، راولپنڈی کی تمام سڑکوں پر عوام کا سمندر ہو گا،

دوسری جانب تحریک انصاف لاہور کاراولپنڈی کال کے پلان کو حتمی شکل دینے کیلئے اجلاس طلب کر لیا گیا اجلاس میں صدر پی ٹی آئی سنٹرل پنجاب ڈاکٹر یاسمین راشد اور حماد اظہر شرکت کریں گے گورننگ باڈی، اسٹیک ہولڈرز اور تمام ٹاونز کے صدور اجلاس میں شرکت کریں گے، صدر پی ٹی آئی لاہور امتیاز شیخ کا کہنا ہے کہ 26 نومبر کو لاہور سے کثیر تعداد میں لوگ براستہ موٹروے راولپنڈی روانہ ہوں گے،

واضح رہے کہ عمران خان وزیر آباد میں مبینہ حملے کے بعد لاہور زمان پارک آ گئے،وزیر آباد سے دوسرے مرحلے کے لانگ مارچ کا آغاز ہوا تھا تا ہم ہفتے کو عمران خان نے اعلان کیا کہ لانگ مارچ ختم اب پنڈی میں پڑاؤ ہو گا، کارکنان پنڈی پہنچیں ، عمران خان لاہور سے پنڈی ہیلی کاپٹر کے‌ذریعے جانا چاہتے ہیں،

حکومت کے خلاف تحریک آخری مرحلے کے لیے پی ٹی آئی نے منصوبہ بندی کر لی، پی ٹی آئی کے قافلے 25 اور 26 نومبر کو راولپنڈی پہنچیں گے،پی ٹی آئی شرکاریلی کی بجائے قافلوں کی صورت میں راولپنڈی روانہ ہوں گے، لاہور سے پی ٹی آئی کے قافلے 26 نومبر کی صبح 9 بجے روانہ ہوں گے،ارکان قومی و صوبائی اسمبلی ، ٹکٹ ہولڈرز قافلوں کی صورت میں روانہ ہوں گے، قافلوں کی قیادت تحریک انصاف سینٹرل پنجاب کی اعلیٰ قیادت کرے گی،جنوبی پنجاب اور دور دراز سے قافلے 25 نومبر کی شام کو راولپنڈی پہنچیں گے، قافلوں کے قیام و طعام کے لیے اقبال پارک میں خیمہ بستی قائم کی جائے گی،پی ٹی آئی لانگ مارچ، خیبر پختونخوا سے قافلے 26 نومبر کو روانہ ہوں گے،خیبر اور مہمند کے قافلے پشاور ٹول پلازہ سے صبح 9 بجے روانہ ہونگے،چارسدہ کا قافلہ نستہ موٹروے ٹول پلازہ سے صبح ساڑھے 9بجے روانہ ہوگا مردان کا قافلہ صبح 10 ، مالاکنڈ سوا10 بجے کرنل شیر انٹر چینج سےروانہ ہوگا،صوابی کا قافلہ ٹول پلازہ سے پونے 11 ، نوشہرہ کا صوابی ریسٹ ایریا سے صبح 11 بجے روانہ ہوگاہزارہ ریجن کے قافلے ہزارہ موٹر وے سے ساڑھے 11 بجے روانہ ہونگے، خیبرپختونخوا کےقافلےساڑھے 12بجے راولپنڈی، مری روڈ فیض آباد پہنچیں گے،جنوبی اضلاع کے قافلوں کی نگرانی صوبائی سیکریٹری جنرل علی امین گنڈا پور کرینگے،

کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز

خیبرپختونخوا حکومت کا ہیلی کاپٹر جلسوں میں استعمال کیا جا رہا ہے،وفاقی وزیر اطلاعات

وہ کون ہے جس نے احسان فراموش عمران خان کیلیے ملک کی بقا کی خاطر سب کچھ کیا؟