پنجاب اسمبلی بحالی کی درخواست،عدالت کا فیصلہ آ گیا
پی ٹی آئی چئیرمین عمران خان نے پنجاب کی 18 رکنی کابینہ کی منظوری دے دی۔
باغی ٹی وی کے مطابق پی ٹی آئی کے چئیرمین اور سابق وزیراعظم عمران خان نے پنجاب کی نئی کابینہ کی منظوری دے دی ہے ،ذرائع کے مطابق نئی 18 رکنی کابینہ میں صرف تحریک انصاف کے ارکان اسمبلی شامل ہیں۔ تھریک انصاف کے چیئرمین عمران خان نے پنجاب اسمبلی میں سابق وزیراعلی پنجاب عثمان بزدار کو تحریک انصاف کا پارلیمانی لیڈر مقرر کر دیا ہے.
ذرائع کے مطابق ڈاکٹر یاسمین راشد،میاں اسلم اقبال،راجہ بشارت، فیاض الحسن چوہان،یاسر ہمایوں،سید صمصام بخاری اور میاں محمود الرشید سمیت دیگر ارکان کو پنجاب کابینہ میں شامل کیا جائے گا.
ذرائع کے مطابق پنجاب کی نئی کابینہ میں مسلم لیگ (ق) کا کوئی رکن اسمبلی شامل نہیں کیا گیا. پی ٹی آئی کے دور حکومت میں وزیراعلیٰ پنجاب عثمان بزدار کی کابینہ میں (ق) لیگ کو دی گئی دو وزارتیں بھی واپس لے لی گئی ہیں۔ عمران خان کی جانب سے کابینہ ارکان کی فہرست گزشتہ رات پنجاب کی قیادت کو موصول ہوئی۔
ذرائع کے مطابق دوسری جانب چوہدری شجاعت کیمپ نے (ق) لیگ کے ارکان اسمبلی سے دوبارہ رابطہ کرلیا۔انہیں پیغام دیا گیا کہ عمران خان کا ساتھ دے کردیکھ لیا۔ پہلے بھی کہتے تھے کہ عمران خان قابل اعتماد نہیں ہے.
ذرائع کے مطابق (ق) لیگ کے ارکان اسمبلی کو یہ پیغام بھی دیا گیا ہے کہ وہ واپسی کا اشارہ دیں تومعاملات کو ٹھیک کیا اور آصف زرداری اورمسلم لیگ (ن) کے ساتھ دوبارہ بیٹھا جا سکتا ہے۔
