عمران خان ثابت کریں کہ آڈیو غلط ہے،وزیر داخلہ کا چیلنج
عمران خان ثابت کریں کہ آڈیو غلط ہے،وزیر داخلہ کا چیلنج
باغی ٹی وی کی رپورٹ کے مطابق وفاقی وزیر داخلہ رانا ثناء اللہ نے کہا ہے کہ شناختی کارڈ آج کے دور میں ایک بنیادی ضرورت ہے، کوئی بھی سہولت حاصل کرنے کیلئے نادرا کارڈ ضروری ہوگیا ہے،فیصل آباد کے نادرا آفس کی استعداد کار کو 3 سے4 گنا بڑھا یا جا رہا ہے،علی پور بنگلہ میں بھی نادرا دفتر قائم کیا جائے گا،
وزیرداخلہ رانا ثنااللہ کا تقریب سے خطاب کرتے ہوئے کہنا تھا کہ پنجاب میں تھوڑے عرصے کیلئے ہماری حکومت آئی،حلقے میں ترقیاتی کاموں کا سلسلہ جا ری ہے، اس وقت ملک کافی مشکلات کا شکار ہے، ان مشکلات کی وجہ سے ملک معاشی بحران کا شکار ہو چکا معاشی بحران میں سب سے زیادہ عمل دخل آئی ایم ایف کا ہے، آئی ایم ایف بجلی ،پیٹرول اور سبسڈی ختم کرنے کی شرائط رکھ رہا ہے،اسحاق ڈار نے بھی بڑے مشکل حالات کے باوجود اسٹینڈ لیا ہوا ہے، عمران خان اس کوشش میں لگا ہوا ہے کہ ملک ڈیفالٹ کر جائے، عمران خان ملک میں پروپیگنڈا پھیلا رہے ہیں، پروپیگنڈے سے عالمی اور ملکی سطح پر ملک کیلئے نقصان دہ ہے، عمران خا ن ایک منصوبے کے تحت پروپیگنڈا کر رہے ہیں، ایسے شخص کو اس ملک پرمسلط کیا گیا جو اپنی ذات کے علاوہ کسی کا نہیں سوچتا، اس ملک کی سیاست اس طرح نہیں چل سکتی سوشل میڈیا پر نوجوانوں کو گمراہ کیا جا رہا ہے،
ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’
عمران خان کی تعزیت کیلئے صحافی صدف نعیم کے گھر آمد
کامونکی،لانگ مارچ کی کوریج کرنیوالے صحافیوں پر پولیس کا تشدد
اسپیکر پنجاب اسمبلی نے گورنر کے طلب کردہ اجلاس کو غیر قانونی قرار دے دیا
وزیر داخلہ رانا ثناء اللہ کا مزید کہنا تھا کہ میں نے قتل کئے تھے تو جھوٹا ہیروئن کا مقدمہ بنانے کے بجائے مجھے گرفتار کر لیتے،عمران خان پر حملہ کرنے والے ملزم کو موقع سے پکڑا کیا گیا تھا، 2 دن پہلے پریس کانفرنس کر کے کہہ رہا ہے وہاں پر 3 لوگ تھے، اب تین لوگ ڈال دیئے تاکہ وہ لوگ ہی نہ ملیں، عمران خان جھوٹ بولنے کا ماسٹر ہے،عمران خان آڈیو ٹیپ کی فرانزاک کرانے کا چیلنچ کریں نا،عمران خان ثابت کریں کہ یہ آڈیو غلط ہے، عمران خان کوووٹ کی طاقت سے قلع قمع کرنا چاہئے،ہم ووٹ کی طاقت سے اس آدمی کو ملک کی سیاست سے مائنس کرنا چاہتے ہیں، کہتا ہے مہنگائی ہوئی ہے، آئی ایم ایف سے معاہدہ تم نے کیا اور توڑ دیا، عدم اعتماد کی تحریک کا پتہ چلا تو اس نے قیمتیں کم کی تھیں،آئی ایم ایف کے ساتھ معاہدہ کرتا ہے تو پیٹرولیم اور گیس کی قیمتوں پر اثر پڑتا ہے،
