اسلام آباد: وزیراعظم عمران خان نے کفایت شعاری کی نئی مثال قائم کردی،ایمانداری سے قوم کے وسائل کااستعمال،تفصیلات کے مطابق وزیراعظم عمران خان کی کفایت شعاری مہم جاری ہے، بیرون ملک دوروں پر قومی خزانے کو لاکھوں ڈالرز کی بچت ہوئی، وزیراعظم نے بیرون ملک دوروں پر اخراجات مزید محدود کردئیے۔
ذرائع کےمطابق کفایت شعاری کے عزم کو تسلسل دیتے ہوئے وزیراعظم آئندہ ماہ ورلڈ اکنامک فورم میں شرکت کریں گے، عمران خان نے آئندہ ماہ ڈیوس کے اخراجات کو بھی انتہائی کم رکھنے کی ہدایت کردی۔ذرائع کا کہنا ہے کہ وزیراعظم کے 3 روزہ دورے پر 68 ہزار ڈالرز خرچ ہوں گے، سابق دور حکومت میں ڈیوس دوروں پر لاکھوں ڈالرز اڑائے گئے تھے۔
یاد رہےکہ اس سے قبل پاکستان کے سیاسی شاہی وزرائے اعظموں کی شاہ چرخیوں پرعالمی میڈیا نے بھی سخت تنقید کرتے ہوئے کہا تھا کہ ایک غریب قوم کے وزرائے اعظم بیرونی ممالک میں عیاشیوں پرقوم کے خون پسینےکی کمائی اس طرح اڑاتے ہیں جس طرح طوائفوں کی مجلس میں اڑائے جاتے ہیں.
اگرکچھ سرسری نظردوڑائی جائے تو معلوم ہوتا ہےکہ ڈیوس دوروں پر نواز شریف، شاہد خاقان عباسی اور یوسف رضا گیلانی نے خطیر رقم خرچ کی، سب سے زیادہ اخراجات نواز شریف کے دورے پر آئے تھے۔نواز شریف نے 7 لاکھ 62 ہزار ڈالرز قومی خزانے سے خرچ کیے، شاہد خاقان عباسی نے دورے پر 5 لاکھ 61 ہزار ڈالرز خرچ کیے، یوسف رضا گیلانی کے دورے پر 4 لاکھ 59 ہزار ڈالرز کا خرچ آیا۔
وزیراعظم نے دورہ امریکا پر بھی کفایت شعاری کی مثال قائم کی تھی، عمران خان نے واشنگٹن، نیویارک کے دورے پر بھی کم رقم خرچ کی گئی، وزیراعظم کے دورہ واشنگٹن پر اخراجات بھی پی پی، ن لیگ سے کم رہے تھے۔
ذرائع کا کہنا ہے کہ جولائی 2019 میں دورہ واشنگٹن پر 67 ہزار 180 ڈالرز خرچ ہوئے تھے، نواز شریف نے 2013 میں 5 لاکھ 49 ہزار 853 ڈالرز خرچ کیے، 2009 میں آصف زرداری نے 7 لاکھ 52 ہزار 688 ڈالرز خرچ کیے۔
وزیراعظم عمران خان نے دورہ نیویارک بھی کم ترین اخراجات میں مکمل کیا تھا، دورہ نیویارک پر ایک لاکھ 62 ہزار 578 ڈالرز کی کم ترین لاگت آئی تھی۔سابق صدر آصف زرداری نے نیویارک دورے پر 13 لاکھ 9 ہزار 620 ڈالرز خرچ کیے، نواز شریف نے نیویارک دورے پر 11 لاکھ 13 ہزار 142 ڈالرز خرچ کیے۔مسلم لیگ ن کے سابق وزیراعظم شاہد خاقان عباسی نے نیوارک کا دورہ کیا تو 7 لاکھ 5 ہزار 19 ڈالرز خرچ کر ڈالے تھے