عمران خان جیل بھرو تحریک پر بھی یو ٹرن لے لیں گے. شرجیل میمن
رہنما پیپلز پارٹی اور صوبائی وزیر اطلاعات شرجیل انعام میمن کا کہنا ہے کہ عمران خان جیل بھرو تحریک سے یوٹرن لیں گے۔ ایک بیان میں عمران خان کے خطاب پر ردعمل دیتے ہوئے شرجیل میمن کا کہنا تھا کہ عمران خان جیل بھرو تحریک پر جلد یو ٹرن لے لیں گے، کیونکہ یہ لوگ ایک دن جیل جاتے ہیں تو رونا دھونا شروع کر دیتے ہیں۔
انہوں نے کہا کہ عمران خان کو سندھ میں گرفتاری دینے کی پیش کش کرتے ہیں، لانڈھی جیل میں ان کی خوب خاطر تواضح کریں گے، البتہ عمران اور اس کے حواری جیل بھرو نہیں، جیب بھرو تحریک کے ماہر ہیں۔ ملکی حالات کا ذمہ دارسابق وزیراعظم کو ٹھہراتے ہوئے پی پی رہنما کا کہنا تھا کہ عمران خان نے گندم، ادویات، تیل اورچینی اسکینڈلز سے اپنی جیبیں بھریں جب کہ شوکت خانم کے چندے کو بھی نہیں چھوڑا، لہٰذا آج ملکی حالت کے ذمہ دار کوئی اور نہیں بلکہ عمران خان ہیں۔
مزید یہ بھی پڑھیں؛
ترکیہ زلزلہ،اسپتال میں نرسوں کی نوزائیدہ بچوں کو بچانے کی ویڈیو وائرل
ایپ کے ذریعے منگوائی گئی بریڈ کے پیکٹ کے ساتھ زندہ چوہا نکل آیا
نیب کی سیکرٹری پنجاب اسمبلی محمدخان بھٹی کے خلاف ناجائز اثاثے بنانے کی انکوائری شروع
سونے کی فی تولہ قیمت میں 3ہزار300روپے کااضافہ
شرجیل انعام میمن نے کہا کہ عمران خان آج بھی لاڈلا بنا ہوا ہے، عدالتوں میں ان کے خلاف اوپن اینڈ شٹ کیس موجود ہیں، اگر میرٹ پرفیصلے آجائیں تو عمران خان اور سارا ٹبر نااہل ہوجائے۔
