اسلام آباد:عالمی برادری بھارتی مظالم کی شکار کشمیری خواتین کی آواز بنیں،عمران خان کی اپیل پرکشمیری ماوں ، بہنوں کی طرف سے عمران خان کوسلام ،اطلاعات کےمطابق وزیراعظم عمران خان نے کہا ہے کہ عالمی برادری خصوصاً خواتین سے اپیل ہے کہ وہ مقبوضہ کشمیر کی خواتین کی آواز بنیں۔
Today is Kashmir Women Resistance Day. For 7 decades, Indian forces have committed war crimes against women in IOJK. Their sufferings have multiplied after 5 Aug siege by Modi Govt. I urge world community, esp women, to become voice of resilient Kashmiri women for peace in IOJK.
— Imran Khan (@ImranKhanPTI) February 23, 2020
سماجی رابطے کی ویب سائٹ ٹوئٹر پر جاری بیان میں وزیراعظم عمران خان نے کہا کہ آج کشمیری خواتین کے یوم مزاحمت کا دن ہے،7 دہائیوں سےکشمیری خواتین پر بھارتی فوج کےمظالم جاری ہیں اور بھارتی فوج کشمیری خواتین کے خلاف جنگی جرائم کی مرتکب ہوئی ہے۔
وزیراعظم نے کہا کہ بھارتی مظالم کا سامنا کرنے والی خواتین کو 5اگست کے محاصرے کے بعد مزید پریشانیوں کا سامنا ہے جس میں کئی گنا اضافہ بھی ہوا ہے۔وزیراعظم نے کہا کہ عالمی برادری خصوصاً خواتین سے اپیل ہے کہ وہ مقبوضہ کشمیر کی خواتین کی آواز بنیں۔
ادھر ذرائع کےمطابق وزیراعظم عمران خان کے کشمیری ماوں بہنوں کی عصمت وعفت کی حفاظت کے بیان کو مقبوضہ کشمیرسمیت دنیا بھرکی کمشیری قوم میں بہت سراہا جارہا ہے، یہ بھی معلوم ہوا ہے کہ کشمیری ماوں بہنوں نے وزیراعظم کے اس بیان پرخوش ہوتے ہوئے سلام بھیجا ہے اوروزیراعظم کی صحت ، کامیابی کے لیے دعائیں بھی کی ہیں
واضح رہے کہ کشمیر میڈیا سروس کے مطابق گزشتہ 3 دہائیوں کے دوارن بھارتی بربریت کے باعث قریباً 23 ہزار خواتین بیوہ ہوئیں اور 11 ہزار سے زائد خواتین کو اجتماعی زیادتی کا نشانہ بنایا گیا۔
تحریک آزادی میں کشمیری خواتین نے اپنا بھرپور کردار ادا کیا اور وہ مردوں کے شانہ بشانہ جدوجہد کر رہی ہیں۔
