عدالت کا عمران خان کیخلاف توشہ خانہ فوجداری کارروائی روکنے کا حکم

اسلام آباد ہائیکورٹ میں توشہ خانہ فوجداری کارروائی کیس دوسری عدالت منتقلی کی درخواست پر سماعت ہوئی،

اسلام آباد ہائیکورٹ کے چیف جسٹس عامر فاروق نے درخواست پر سماعت کی ،عمران خان کے وکیل خواجہ حارث عدالت میں پیش ہوئے خواجہ حارث نے دلائل دیتے ہوئے کہا کہ الیکشن کمیشن کی کمپلینٹ قابل سماعت ہی نہیں،چیف جسٹس عامر فاروق نے کہاکہ یہ آپ کی 4 مختلف درخواستیں ہیں،خواجہ حارث نے کہا کہ الیکشن کمیشن نے کسی کو مجاز اتھارٹی مقرر کرنے کا لیٹر پیش نہیں کیا،الیکشن کمیشن نے صرف اپنے آفس کو کمپلینٹ فائل کرنے کا کہا،مجاز اتھارٹی کے بغیر دائر کمپلینٹ پر سماعت نہیں ہو سکتی

لطیف کھوسہ ایڈووکیٹ نے کمرہ عدالت پہنچنے پر چیف جسٹس سے شکوہ کرتے ہوئے کہا کہ آج عدالت آنے کے راستے میں کافی رکاوٹیں تھیں ،چیف جسٹس ہائیکورٹ نے کہا کہ ہر جگہ ہی ایسا ہے ،خواجہ حارث نے کہا کہ مقررہ وقت گزر جانے کے بعد کمپلینٹ نہیں بھیجی جا سکتی، چیف جسٹس عامر فاروق نے استفسار کیا ٹرائل کورٹ نے ان اعتراضات پر کیا کہا؟ خواجہ حارث نے کہاکہ جج صاحب نے کہہ دیا یہ ہم شواہد کے دوران دیکھیں گے، الیکشن کمیشن 120 روز کے بعد کرمنل کارروائی کی کمپلینٹ نہیں بھیج سکتا،ٹرائل کورٹ کے سامنے اعتراض اٹھایا گیا تھا،ٹرائل کورٹ نے کہا معاملہ شہادتوں کے مرحلے پر دیکھیں گے، عمران خان کے وکیل نے کہاکہ ہم کہتے ہیں اس پر تو مزید کارروائی ہی نہیں ہو سکتی، جو کچھ آن ریکارڈ ہے ہم اسی پر اعتراض کر رہے ہیں،کرمنل کارروائی کا معاملہ پہلے مجسٹریٹ پھر سیشن کورٹ کے پاس جانا ہے۔

اسلام آباد ہائیکورٹ نے خواجہ حارث کے دلائل سننے کے بعد عمران خان کیخلاف توشہ خانہ فوجداری کارروائی روکنے کا حکم دے دیا،عدالت نے الیکشن کمیشن ودیگر فریقین کو نوٹس جاری کردیئے،چیف جسٹس عامر فاروق نے عمران خان کی درخواستوں پر احکامات جاری کئے اسلام آباد ہائیکورٹ نے عمران خان کی درخواست پر اسٹے آرڈر جاری کیا، سیشن کورٹ نے 2 روز قبل عمران خان پر فرد جرم عائد کی تھی، سیشن کورٹ نے گواہوں کو 13 مئی کیلئے طلب کررکھا تھا،عمران خان کی چاروں درخواستوں پر 8 جون کیلئے نوٹس جاری کر دیاگیا،کیس ٹرانسفر کی درخواست پر الیکشن کمیشن ودیگر کونوٹس جاری کر دیئے گئے،کمپلینٹ قابل سماعت ہونے کے خلاف درخواست پر بھی فریقین کو نوٹس جاری کر دیئے گئے، عدالت نے توشہ خانہ فوجداری کارروائی کیس کی سماعت 8 جون تک ملتوی کردی

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات