عمران ریاض کے خلاف کتنے مقدمات،رپورٹ عدالت پیش
اسلام آبادہائیکورٹ، صحافی و یوٹیوبر عمران ریاض کے خلاف اسلام آباد میں کوئی مقدمہ نہیں، ایف آئی اے میں تین مقدمات اور ایک انکوائری ہے،رپورٹ عدالت پیش کر دی گئی
جسٹس محسن اخترکیانی نے عمران ریاض کے خلاف درج مقدمات کی تفصیلات فراہمی درخواست پر سماعت کی، وفاقی پولیس کے ڈی ایس پی لیگل ساجد چیمہ اور ایف آئی اے حکام عدالت پیش ہوئے،عدالت نے استفسار کیا کہ وفاقی پولیس کے پاس عمران ریاض کے خلاف کوئی مقدمہ درج نہیں، اسلام آباد پولیس حکام ایف آئی اے میں کوئی مقدمہ ہے کیا؟،ایف آئی اے حکام نے کہا کہ ایف آئی اے سائبر کرائم میں تین ایف آئی آر اور ایک انکوائری ہے، عدالت نے کہا کہ مقدمات اور انکوائری کی تفصیلات دے دیں،ایف آئی اے حکام نے کہا کہ ایف آئی آرز اسلام آباد جبکہ انکوائری ایف آئی اے لاہور میں ہے، عدالت نے رپورٹ پیش ہوجانے پر درخواست نمٹادی
عمران ریاض خان نے مقدمات کی تفصیلات فراہمی کے لیے اسلام آباد ہائیکورٹ میں درخواست دائر کی تھی، جس پر عدالت نے نوٹس جاری کرتے ہوئے ایف آئی اے سے جواب طلب کیا تھا
