عمران خان کی اب تک 70 سے زائد رہنماوں سے ملاقات ہوچکی ، کشمیر اور امت مسلمہ کے مسائل پر کھل کر موقف بیان کیا ، ملیحہ لودھی

نیویارک: قوم اپنے لیڈر کے لیے دعا کرے ، جو ایک منٹ بھی دیار غیر میں ضائع نہیں کررہا بلکہ اس سے فائدہ اٹھانے کی بھر پورکوشش کررہا ہے، عمران خان جس طرح عالمی رہنماوں کے سامنے کشمیر اور کشمیریوں کا مقدمہ پیش کررہےہیں‌اس سے پہلے میں نے اپنی زندگی میں نہیں‌دیکھا ، بڑی فکر ہے اس وزیراعظم کو ، ان خیالات کا اظہار اقوام متحدہ میں پاکستان کی سفیر ملیحہ لودھی نے عمران خان کی طیب اردوان کے ساتھ کانفرنس کے بعد کیا

اقوام متحدہ میں تعینات مستقبل پاکستانی مندوب ملیحہ لودھی نے کہا ہے کہ وزیراعظم عمران خان نے 7 روز میں 70 سے زائد ملاقاتیں کیں اور دلیری کے ساتھ مسئلہ کشمیر، اسلامو فوبیا پر بات کی ، ملیحہ لودھی کہتی ہیں‌ کہ وزیراعظم عمران خان نے مقبوضہ کشمیر پر دلیری سے گفتگو کی جبکہ انہوں نے اسلاموفوبیا پر بھی تفصیلی گفتگو کی۔

اقوم متحدہ میں پاکستانی سفیر ملیحہ لودھی کہتی ہیں‌کہ پاکستان اورترکی نےنفرت انگیزبیانات کیخلاف مشترکہ کانفرنس کی، دنیامیں اسلاموفوبیا اور نفرت انگیز بیانات کے خلاف دونوں ممالک نے یکساں مؤقف پیش کیا، وزیراعظم نےکہا کہ مسلمانوں کے خلاف دنیا بھر میں جو لہر ہے اُس کا جواب دینا بہت ضروری ہے