کراچی میں انٹرمیڈئیٹ کے امتحان کا سلسلہ جاری ہے، صوبائی وزیر بورڈ اینڈ جامعات اسماعیل راہو نے مختلف امتحانی مراکز کا دورہ کیا ہے، کورونا ایس او پیز اور دیگر انتظامات کا جائزہ لیا ہے، اس موقعی پر صوبائی وزیر کے ہمراہ سیکریٹری بورڈ اور چیئرمین بورڈ ہمراہ تھے.
صوبائی وزیر بورڈ اینڈ جامعات اسماعیل راہو نے کہا کہ سندھ حکومت کی کوشش ہے کہ تمام امتحانی مراکز کی سختی سے مانیٹرنگ ہوتی رہے، کراچی میں 26 ہزار طالبعلم امتحان دے رہے ہیں، سندھ میں 800 سو سے زائد امتحانی مراکز قائم ہیں، تمام ممکنہ اقدامات کیے ہیں، کوشش ہے کہ طلبہ وطالبات کو پرسکون ماحول مہیہ کریں، گزشتہ روز ایک سو پینتالیس کاپی کیسز پکڑے گئے ہیں، ڈیوٹی سے غفلت برتنے پر 6 سے زائد انویجیلیٹرز کے خلاف کارروائی کی گئی ہے، کسی قسم کی غلطی برداشت نہیں کی جائیگی، سنیٹ جوزف گرلز کالج اور گورنمینٹ گرلس کالج شاہراہ لیاقت کے انتظامیہ کو امتحانی مراکز میں بہتر انتظامات کرنے پر شاباشی بھی دی ہے، شاہراہ لیاقت گرلز کالج کی پرنسپل کو ہدایت کی کے کلاسز کے اندر کی دیواروں کو رنگ کروایا جائے.
