60 سکینڈ میں تین بھائیوں نے بیویوں کوطلاق دے دی

الجزائر :60 سکینڈ میں تین بھائیوں نے بیویوں کوطلاق دے دی،اطلاعات کے مطابق الجزائر میں تین سگے بھائیوں نے اپنی بیویوں کے رویے سے تنگ آکر فقط 60 سیکنڈز میں اپنی بیویوں کو طلاق دے کر جہاں اپنے گھراجاڑ لیئے وہاں نافرمان بیویوں کے تکبر کو بھی ملیا میٹ کردیا،

عرب میڈیا کی رپورٹ کے مطابق 3 الجزائری بھائیوں نے ایک منٹ کے اندر اپنی اپنی بیویوں کو ایک ساتھ تین طلاق دے دی ہے۔ ان کی بیویوں نے ان کی والدہ کا خیال رکھنے سے انکار کردیا تھا۔

طلاق کا واقعہ اس وقت پیش آیا جب تینوں بھائی اپنے کام سے گھر واپس پہنچے تو دیکھا کہ پڑوسی خاتون ان کی بیمار بوڑھی ماں کو غسل دے رہی تھی جبکہ وہ اپنی بیویوں کو ماں کی دیکھ بھال کا کہہ کر گئے تھے۔

یہ دیکھ کر تینوں بھائی مشتعل ہوگئے جس کے بعد انہوں نے 1 منٹ میں بیویوں کو طلاق دے کر اپنی شادیاں ختم کر دیں۔

یاد رہے بوڑھی خاتون کی دیکھ بھال اس کی بیٹی کرتی تھی جو اسے ہفتے میں 2 بار ملنے آتی تھی تاہم اپنے شوہر میں کینسر کی تشخیص کے بعد وہ اب کئی دنوں سے ماں سے ملاقات کےلئے نہیں آسکی تھیں۔

یہ بھی معلوم ہوا ہے کہ ان تینوں بھائیوں نے کئی مرتبہ اپنی بیویوں کو نصیحت کی تھی کہ وہ اپنے رویے میں لچک لائیں اور بڑوں کی خدمت کا جزبہ اپنے اندر پیدا کریں لیکن تینوں بیویوں نے بالاتفاق خدمت کرنے سے انکار کیا تو اپنی ساری زندگی کو طلاق لے کر داغدار بھی کرا لیا