افغانستان میں افغان طالبان کے حملے میں 32 فوجی ہلاک

کابل:افغانستان کےصوبےغزنی میں افغان طالبان کے حملے میں32 فوجی ہلاک ہوگئے۔غزنی سے اطلاعات کے مطابق افغانستان کے جنوب مشرقی صوبےغزنی میں افغان طالبان کے حملے میں 32 فوجی ہلاک ہوگئے ہیں۔

کرکٹ کوٹھنڈ لگ گئی !راولپنڈی ٹیسٹ: چوتھے روز بھی کھیل ممکن نہ ہوسکا

غزنی سے ذرائع کے مطابق صوبائی کونسل کے صدر ناصر احمد فقیری کا کہنا ہے کہ سات مقامی سیکیورٹی اہلکاروں نے قرباغ ضلع میں ایک فوجی اڈے پراپنے ساتھیوں پراس وقت فائرنگ کردی جب وہ سورہے تھے،جس سے وہ موقع پر ہی ہلاک ہوگئے۔ساتوں اہلکار فائرنگ کرکے اسلحے سمیت فرار ہوگئے۔ اہلکاروں کا تعلق واضح طور پر طالبا ن سے ہے۔

عمران خان کےدوست بورس جانسن کی کامیابی پرہزاروں افراد کا لندن میں احتجاج

دوسری جانب افغان وزارت دفاع کے ترجمان فواد امن کا کہنا ہے کہ طالبان کے حملے میں 9 فوجی ہلاک ہوئے جبکہ حملے کی ذمہ داری طالبان نے قبول کرتے ہوئے کہا کہ غزنی فوجی بیس پر حملے میں 32 فوجی ہلاک ہوئے۔غزنی میں گذشتہ روزسڑک کنارے نصب بم کے دھماکے میں 4 بچوں سمیت دس افراد جاں بحق ہوگئے تھے۔

موٹروے پر600 سی سی موٹر بائیک چلانے کی مشروط اجازت ،کون نہیں چلا سکے گا

یاد رہے کہ غزنی کے ضلع قارا باغ میں فوجی بیس میں یہ دوسرا حملہ ہے، اس سے قبل رواں برس جولائی میں بھی ضلع قارا باغ کے فوجی بیس کو نشانہ بنایا گیا تھا جس کے نتیجے میں افغان آرمی فورسز کے کمانڈر کرنل عبد المبین محبتی ہلاک ہوئے تھے۔

ملک میں جاری احتجاج نظرانداز،بھارتی صدرنےمتنازعہ شہریت بل پردستخط کر دیئے