اسلام آباد:چین میں وزیراعظم عمران خان سے عالمی رہنماوں کی ملاقاتیں:ازبک صدربھی ملے:اہم معاملات پرگفتگو ،اطلاعات کے مطابق چین میں موجود وزیراعظم عمران خان سے ازبک صدر کی وفد کے ہمراہ ملاقات ہوئی،کہا جارہا ہے کہ سرمائی اولمپکس کی افتتاحی تقریب کے موقع پرملاقات ہوئی، دونوں رہنماؤں کا دوطرفہ تعلقات کے تمام پہلوؤں پر تفصیلی تبادلہ خیال کیا گیا۔
چین سے آمدہ اطلاعات میں بتایا گیا ہے کہ دونوں رہنماؤں نے پاکستان اور ازبکستان کے درمیان شراکت داری کے فروغ کےعزم کا اعادہ کیا گیا۔
وزیراعظم عمران خان نے تجارتی اور اقتصادی تعاون کو بڑھانے کی اہمیت پر زور دیا، دو طرفہ ٹرانزٹ ٹریڈ معاہدہ کو فعال کرنے اور ترجیحی تجارتی معاہدے پر بھی گفتگو کی گئی۔
وزیراعظم نے ریلوے منصوبے کے لیے پاکستان کی مکمل حمایت کا اعادہ کیا جبکہ عمران خان نے سیاحت کے فروغ کے لیےبراہ راست پروازیں دوبارہ شروع کرنے پر زور دیا۔
دونوں رہنماؤں نے تعلیم اور ثقافت میں تعاون پر بھی تبادلہ خیال کیا۔ ملاقات میں علاقائی امن و استحکام پر بھی غور کیا گیا، دونوں رہنماوں کاعالمی برادری سے افغانستان کی اقتصادی امداد جاری رکھنے کی ضرورت پر زور دیا اور وزیراعظم نے ازبک صدر کو دورہ پاکستان کی دعوت دی۔جوانہوں نے قبول کرلی
یہ بھی معلوم ہوا ہے کہ ازبک صدر نے وزیراعظم عمران خان کی عالم اسلام اور حرمت رسول صلی اللہ علیہ والیہ وسلم کے سلسلے میں کوششوں کی بھی تعریف کی اور اسے ایک انتہائی مقدس فریضہ اور مشن قراردیا
