دُبئی میں کارکن کو ماں کے جنازے میں شرکت کے لیے چھُٹی نہ ملی:شرمناک وجہ سامنے آگئی

دبئی : دُبئی میں کارکن کو ماں کے جنازے میں شرکت کے لیے چھُٹی نہ ملی:کیونکہ وہ عجمی تھا ،اطلاعات کے مطابق ایک بھارتی کارکن کو اپنی والدہ کی بیماری اور وفات پر فوری وطن واپس جانے کی اجازت نہ ملی تو اس نے غصے میں کارکنان کی واپسی کی فہرست تیار کرنے والے ساتھی ملازم کو شدید زخمی کر دیا۔

تفصیلات کے مطابق 38 سالہ بھارتی ملزم ایک کنسٹرکشن کمپنی میں ملازم ہے۔ لاک ڈاؤن کے دوران اس کی والدہ کی طبیعت بہت زیادہ خراب ہو گئی۔ کمپنی کی جانب سے اس دوران ملازمین کو خصوصی پروازوں کے ذریعے واپس بھجوایا جا رہا تھا۔

تاہم بھارتی کارکن کو والدہ کی وفات کے موقع پر واپس جانے کی اجازت نہ ملی، بلکہ اس کی جگہ دیگر 22 ملازمین کو وطن بھیج دیا گیا۔

اس بات پر طیش میں آ کر بھارتی کارکن نے اپنے ساتھی ملازم کو شدید زخمی کر دیا، کیونکہ اسے شک تھا کہ کارکنان کی فہرست اسی نے تیار کی تھی اور جان بوجھ کر اس کا نام شامل نہیں کیا تھا۔

ذرائع کے مطابق اس بھارتی نوجوان کو پولیس کے حوالے کردیا گیا ہے