نئی دہلی :بھارت میں خواتین کے ساتھ بڑھتے زیادتی کے واقعات سنگین صورتحال اختیار کرچکے ہیں۔نہ صرف زیادتی کی وارداتیں بڑھ گئی ہیں بلکہ زیادتی کے بعد زندہ جلانے کے واقعات نے صورت حال مزید خراب کردی ہے ، بھارت سے آمدہ اطلاعات کے مطابق بھارتی ریاست اترپردیش میں 15 سالہ لڑکی کو مبینہ طور پر زیادتی کے بعد زندہ جلادیا گیا ہے۔مقامی پولیس کا کہنا ہے کہ زیادتی کرنے والے مجرم کو گرفتار کرلیا گیا ہے جبکہ زیادتی کا شکار لڑکی کو طبی امداد کے لیے اسپتال منتقل کردیا گیا ہے۔
وہی ہوا جس کا ڈر تھا ، نواز شریف کے واپس نہ آنے کے لیے بہانے تراشنے شروع کردیئے…
ایس ایس پی الوک کمار جیسوال کے مطابق لڑکی کو زیادتی کے بعد مٹی کا تیل چھڑک کر آگ لگائی گئی جس سے لڑکی 80 فیصد تک جل گئی ہے۔ایس ایس پی کا کہنا تھا کہ متاثرہ لڑکی کے والدین کی درخواست پر مقدمہ درج کرکے مجرم کو گرفتار کرلیا گیا ہے۔واضح رہے کہ جون 2018 میں ہونے والے سروے کے مطابق بھارت خواتین کے لیے رہائش کے اعتبار سے سب سے زیادہ خطرناک ملک ہے۔بھارت میں خواتین کے ساتھ ہونے والے زیادتی کے واقعات کی تعداددنیا کے کسی بھی ملک سے کہیں زیادہ ہے۔
اُشنا شاہ ،احسن خان کے ساتھ”بندھے ایک ڈورسے“اہم خبر نے ہلچل مچادی
یاد رہے کہ مئی 2018 میں بھارتی ریاست جھاڑکنڈ میں لڑکی کےساتھ ہونے والی زیادتی کے بارے میں گاؤں کے سردار کو مطلع کرنے پر متاثرہ لڑکی کو زندہ جلا دیا گیا تھا۔پولیس نے واقعے میں ملوث ہونے کے الزام میں چودہ افراد کو حراست میں لیا تھا۔15 سالہ لڑکی کےوالدین نے اپنی بیٹی کےساتھ زیادتی کیے جانے کی شکایت گاؤں کے سردار سے کی تھی۔ جس کے بعد جرگے نے ملزمان کو سو بار اُٹھک بیٹھک کرنے اور 50 ہزار روپے جرمانے کی سزا سنائی تھی۔
آسٹریلیا میں حاملہ مسلمان خاتون پرعیسائی دہشت گردکاحملہ،مسلمانوں پرخوف کے سائے…
ایک رپورٹ کے مطابق بھارت میں جنسی زیادتی کے اکثر واقعات کے بارے میں رپورٹس درج نہیں کروائی جاتی ہیں لیکن 2016 میں 40 ہزار زیادتی کے مقدمات درج ہوئے تھے۔بھارت میں جنسی زیادتیوںکے بڑھتے ہوئے واقعات کی دنیا بھر میں پھیلنےوالی خبروں کے بعد خواتین اورانسانی حقوق کی تنظیموں نے عالمی برادری سے بھارت کے خلاف تحقیقات کرنے اورپابندیاں لگانے کا مطالبہ کیا ہے
