خواتین کی تصاویربنانے پردلہاکوموت کے گھاٹ اتاردیا

پشاور :خواتین کی تصاویربنانے پردلہاکوموت کے گھاٹ اتاردیا،اطلاعات کےمطابق صوبہ خیبرپختونخواہ میں خواتین کی ویڈیو اور تصاویر بنانے کے معاملے نے دولہا کو موت کے گھاٹ اتار دیا، ملزمان فرار ہونے میں کامیاب ہوگئے، ملزمان میں مقتول کا بہنوئی بھی شامل ہے۔

پولیس کے مطابق پشاور کے علاقے مضافاتی علاقے سردار گڑھی کے محلے چغل پورہ میں ایک شادی کی تقریب کے دوران خواتین کی تصاویر اور ویڈیو بنانے پر جھگڑا ہوگیا. جھگڑے کے دوران فائرنگ سے دولہا عابد جاں زخمی ہوگیا جسے طبی امداد کیلیے لے جایا رہا تھا کہ اس نے راستے میں ہی دم توڑ دیا، واقعے کے بعد ملزمان جائے وقوعہ سے فرار ہوگئے۔

ذرائع کےمطابق پشاورپولیس نے لاش کو تحویل میں لے کر قانونی کارروائی کے بعد ہسپتال منتقل کردی، اس حوالے سے پولیس کا کہنا ہے کہ ملزمان کے نام شہزاد، شبیر اور شاہ فہد ہیں اور ان میں ایک ملزم مقتول کا بہنوئی بھی ہے۔ملزمان کی گرفتاری کے لیے پولیس نے خصوصی ٹیم متشکیل دے دی ہے جو مختلف مقامات پر چھاپے مار رہی ہے۔