راولپنڈی:راولپنڈی میںگیس کی لوڈ شیڈنگ نے لوگوں کا جینا مشکل کردیا ،اطلاعات کے مطابق راولپنڈی میں آج بھی گیس کی لوڈ شیڈنگ جاری رہی جس کی وجہ سے لوگ بہت پریشان دکھائی دیئے
راولپنڈی کے مختلف علاقوں میں گیس غائب رہی ان علاقوں میں ڈھوک بنارس، شالے ویلی، پیپلز کالونی شامل ہیں
اس پریشانی کے عالم میں اہل علاقہ محکمہ سوئی گیس پر برہم ہوئے ہیں اوران کا کہناہے کہ ان کا کوئی پرسان حال نہیں اور کوئی عملی اقدامات نہیں ہورہے۔
شہریوں کا کہنا ہے کہ گزشتہ 17 سال سے گیس کی لوڈشیڈنگ ڈھوک بنارس میں جاری ہےمگر انتظامیہ و حکومت مسئلہ حل کرنے سے قاصرہے ادھر ایک شہری کا کہنا تھا کہ کئی سالوں سے محکمہ سوئی گیس کے دفاتر کے چکر کاٹ رہے ہیں،
جبکہ ایک شہری کہتے ہیں کہ ہمیشہ کی طرح محکمہ سوئی گیس ٹال مٹول کررہا ہے، اس شہری کا کہنا ہے کہ گھرمیں پکتا کچھ نہیں اورہوٹلوں کے اخراجات پہنچ سے دورہیں
جبکہ ایک شہری کا کہنا ہے کہ مہنگائی کا طوفان آئے روز برپا ہورہا ہے، جون کے اس مہینے میں گیس کی لوڈ شیڈنگ حکومتی کارگردگی کا منہ بولتا ثبوت ہے،
راولپنڈی کے شہریوں کا کہنا ہے یہ انتظامیہ، حکومت اس مسئلے کو حل کرے، تاکہ سکھ کا سانس لے سکیں
