20 سالہ لڑکے کے ناک کا آپریشن ، ڈاکٹروں کی نااہلی یا کوئی اور معاملہ ، نوجوان جانبحق ، طلباء کے مظاہرے ، اور نعرے

سیالکوٹ: 20 سالہ لڑکے کے ناک کا آپریشن ، ڈاکٹروں کی نااہلی یا کوئی اور معاملہ ، نوجوان جانبحق ، طلباء کے مظاہرے ، نعرے اور توڑ پھوڑ سے حالات کشیدہ ہوگئے ، اطلاعات کےمطابق سیالکوٹ کمشنر روڈ پر واقع نجی ہسپتال میں دوران علاج نوجوان جاں حق ہوگیا،

ذرائع کے مطابق سیالکوٹ کے علاقے پتوال کے رہائشی 20 سالہ خرم رفیق کا ناک کا آپریشن کیا گیا ، اطلاعات یہی ہیں کہ نوجوان کے ناک سے بہت زیادہ خون بہہ جانے سے نوجوان کی اچانک خالت غیر ہو گئی۔ نوجوان کی ہلاکت پر ورثا نے روڈ بلاک کر احتجاج کیا تو قریبی گورنمنٹ کالج کے مشتعل طلبا نے کمشنر روڈ پر واقع نجی ہسپتال پر دھاوا بول دیا، مشتعل طلبا نے ہسپتال کی او پی ڈی، ڈاکٹروں کے کمرے اور فارمیسی کو شدید توڑ پھوڑ کا نشانہ بنایا۔ پولیس کی بھاری نفری موقع پر پہنچ گئی۔ مشتعل طلبا نے کمشنر روڈ بلاک کر کے شدید نعرے بازی کی۔