اسلام آباد: نیپرا نے بجلی 1 روپے 78 پیسے فی یونٹ مہنگی کرنے کی منظوری دے دی۔
تفصیلات کے مطابق نیپرا نے فیول ایڈجسٹمنٹ کی مد میں بجلی 1 روپے 78 پیسے فی یونٹ مہنگی کرنے کی منظوری دے دی ۔ نیپرا نے جولائی کی فیول ایڈجسٹمنٹ کی مد میں بجلی 1 روپے 78 پیسے مہنگی کر دی ۔ جس سے صارفین پر 24 ارب 60 کروڑ روپے کا بوجھ پڑے گا۔ جولائی میں ہائڈل سے 32.53 فیصد اور کوئلے سے 14.33 فیصد بجلی پیدا کی گئی۔ مقامی گیس سے 11.81 فیصد، درآمدی ایل این جی سے 24.71 فیصد بجلی پیدا کی گئی۔
واضح رہے کہ بجلی کی قیمتوں میں اضافے کا اطلاق کے الیکٹرک زرعی صارفین پر نہیں ہوگا۔
