بھارت میں ایک اور نوجوان کو پیٹ پیٹ کر موت کے گھاٹ اتار دیا گیا۔
بھارت، پیدل نوجوان کو کیوں قتل کر دیا گیا؟
بھارتی میڈیا کے مطابق مذکورہ واقعہ ریاست بہار کے ضلع گیا میں پیش آیا۔ گذشتہ روز ایک نوجوان کو تشدد کا نشانہ بنایا گیا جس سے وہ شدید زخمی ہو گیا اور دوران علاج اس کی موت واقع ہو گئی۔
گیا کے علاقے بہوا چورا میں گزشتہ دنوں دو پڑوسیوں کے مابین جھگڑا ہوا جس میں روی کانت سنہا نامی شخص کوشدید چوٹیں آئی تھیں۔ روی کانت کو زخمی حالت میں ہسپتال میں داخل کروایا گیا جہاں سے اسے بہترعلاج کے لیے رانچی بھیج دیا گیا۔ دورا ن علاج روی کانت کی موت ہوگئی۔
بھارت، دلت بچے بھی ہجومی تشدد کا ہو گئے شکار
مشتعل لواحقین اور مقامی لوگوں نے اس کی لاش کو سڑک پر رکھ کر گھنٹوں احتجاج کیا اور اس میں ملوث افراد کے خلاف کاروائی کا مطالبہ کیا۔ لواحقین نے تھانہ انچارج پر بروقت کاروائی نہ کرنے کا الزام بھی عائد کیا۔علاوہ ازیں لواحقین نے پولیس پر ملزموں کو بچانے کا الزام بھی عائد کر دیا ہے۔
بھارت ، بیمار بچے کے ماں باپ بھی ہجومی تشدد کی بھینٹ چڑھ گئے
دوسری طرف ڈی ایس پی راج کمار شاہ کے مطابق واقعہ میں ملوث افراد کی تلاش جاری ہے۔ جن کے خلاف کیس درج کیا گیا ہے وہ سبھی افراد مفرور ہیں اور ان کے گھر پر تالا لگا ہوا ہے۔
بھارت میں معمولی وجوہات پر تشدد کرکے لوگوں کو قتل کرنا ایک عام سی بات بن گئی ہے۔ پہلے ہجومی تشدد میں اقلیتوں کو تشدد کا نشانہ بنا کر قتل کر دیا جاتا تھا۔ اب تو عام نوجوان بھی معمولی سی وجہ پر قتل کیے جانے لگے ہیں۔
ایسا ہی ایک واقعہ ریاست بہار کے ضلع پٹنہ کے باڑھ تھانہ علاقے میںپیش آیا جہاں راستہ نہ ملنے پر گاڑی پر سوار لوگوں نے ایک نوجوان کو مار مار کر قتل کر دیا۔
