بھارت معاشی تباہی کی طرف گامزن:ایئرانڈیا کوٹاٹا کپمنی کے ہاتھوں بیچ دیا

نئی دہلی:بھارت معاشی تباہی کی طرف گامزن:ایئرانڈیا کوٹاٹا کپمنی کے ہاتھوں بیچ دیا،اطلاعات کے مطابق اس وقت یہ خبریں بڑی تیزی سے گردش کررہی ہیں‌کہ بھارت معاشی طورپرتباہی کے دہانے پرپہنچ چکا ہے جس کی وجہ سے اپنے قومی اثاثے فروخت کرنے پراُترآیا ہے

اس حوالے سے میڈیا پرپھیلنے والی خبروں میں بتایا گیا ہے کہ بھارتی کی مشہورکاروباری آرگنائزیشن ٹاٹا نے ایئرانڈیا کو خردیا لیا ہے ، بعض خبروں میں پہلے تردید بھی کی گئی تھی لیکن سچ یہ ہےکہ واقعی ٹاٹا کمپنی نے کامیاب بولی دے کراس کو خرید لیا ہے

خبروں کے مطابق رتن ٹاٹا نے ایئر انڈیا کو خرید لیا ہے۔ “میڈیا رپورٹ میں بتایا گیا ہے کہ ایئر انڈیا کو ٹاٹا کمپنی کی ٹاٹا سنس نے سب سے زیادہ بولی لگا کر جیت لیا ہے۔ ائیر انڈیا جو کافی وقت سے نقصان میں چل رہا تھا اس کے لئے بولیاں طلب کی گئی تھیں، جس میں ٹاٹا سنس نے 20 ہزار کروڑ کی بولی لگا کر ایئر انڈیا کے مالکانہ حق اپنے نام کر لئے”۔

ایئر انڈیا کی شروعات سال 1932 میں ہوئی تھی۔ اس ایئرلائن کی بنیاد جے آر ٹاٹا نے رکھی تھی اور اس وقت اس کا نام ٹاٹا ائیر لائن تھا۔ رپورٹس کے مطابق جے آر ٹاٹا نے اس ائیر لائن کی شروعات محض 2 جہازوں سے کی تھی۔

آزادی کے بعد اس وقت کی موجودہ سرکار نے اس ائیرلائن میں 49 فیصد حصےداری خرید لی تھی۔ ایک وقت تھا جب یہ کمپنی اپنی بہترین ایئرلائنز خدمات کے لئے جانی جاتی تھی مگر گذرتے وقت کے ساتھ یہ کمپنی خسارے میں چلی گئی۔

رپورٹس کے مطابق اس وقت ایئر انڈیا 58 ہزار کروڑ کی مقروض ہے۔ انہی حالات کی وجہ سے حکومت نے ائیر انڈیا کے لئے بولیاں مدعو کی تھیں۔ جس میں اسپائس جیٹ اور ٹاٹا سنس نے بولیاں لگائی تھیں۔ اسی سلسلے میں یہ افواہ پھیل گئی کہ حکومت نے ایئر انڈیا کے مالکانہ حق ٹاٹا سنس کے نام کر دئے ہیں۔