افواج پاکستان کی شاندار فتح نے نہ صرف ملک بھر میں خوشی کی لہر دوڑائی بلکہ بین الاقوامی سطح پر بھی بھرپور جشن منایا جا رہا ہے۔ "معرکہ مرصوص” کے دوران بھارت کو منہ توڑ جواب دینے کی کامیاب کارروائی نے پاکستان کی افواج کی طاقت اور حکمت عملی کو عالمی سطح پر نمایاں کیا۔
پاکستان میں ہر طرف خوشی کا ماحول ہے۔ مختلف شہروں میں لوگ سڑکوں پر نکل آئے ہیں اور افواج پاکستان کی کامیابی پر خوشی کا اظہار کر رہے ہیں۔ لاہور، کراچی، اسلام آباد، پشاور اور دیگر شہروں میں جشن منایا گیا،لوگوں نے پاکستان کے جھنڈے تھامے اور پاکستان زندہ باد کے نعرے لگائے۔پاکستان کی فتح کا جشن صرف اندرون ملک تک محدود نہیں رہا۔ آذربائیجان میں بھی پاکستانی کمیونٹی اور مقامی افراد نے افواج پاکستان کے ساتھ اظہار یکجہتی کیا اور اس فتح کا جشن منایا۔ آذربائیجان کے مختلف شہروں میں پاکستانی جھنڈے لہرا کر جشن کا ماحول بنایا گیا، جس سے پاکستان اور آذربائیجان کے تعلقات میں مزید مضبوطی کی علامات ظاہر ہوئیں۔
لندن میں بھی پاکستانی کمیونٹی نے افواج پاکستان کی فتح کا جشن منایا۔ پاکستانیوں نے سڑکوں پر آ کر پاکستان کے جھنڈے اٹھائے اور "پاکستان زندہ باد” کے نعرے لگائے۔ لندن کے مختلف علاقے جیسے ایبری، ہلینڈ پارک اور بریکسٹن میں پاکستانیوں کا جوش و جذبہ نمایاں تھا، اور وہاں کے شہریوں نے پاکستانی افواج کی کامیابی پر خوشی کا اظہار کیا۔
پاکستان کی فتح نے نہ صرف پاکستانی قوم بلکہ پورے امت مسلمہ میں خوشی کی لہر دوڑائی ہے۔ دنیا بھر میں پاکستانیوں کے علاوہ دوسرے مسلم ممالک کے لوگ بھی اس کامیابی پر خوش ہیں اور اس کا جشن منا رہے ہیں۔ یہ فتح عالمی سطح پر پاکستان کی قوت و استحکام کی علامت بن چکی ہے، جس نے دشمن کے عزائم کو شکست دی اور پاکستان کے عزم و حوصلے کو مزید مستحکم کیا۔پاکستان کی افواج کی یہ کامیابی نہ صرف عسکری میدان میں بلکہ قومی یکجہتی اور امت مسلمہ کے وقار کے لیے بھی ایک اہم سنگ میل ثابت ہوئی ہے۔
