بالی ووڈ فنکار بھارت میں مسلمانوں پر تشدد کے خلاف بول پڑے

بالی ووڈاداکارہ کونکنا سین شرما،فلمسازشیام بینگل سمیت 49 بالی ووڈ فنکاروں نے بھارتی وزیراعظم نریندر مودی کو خط لکھا ہے جس میں مسلمانوں اور اقلیتوں پر ہونے والے تشدد کے خلاف آواز اٹھائی ہے-
بھارت میں مسلمانوں سمیت دیگر اقلیتوں پر بڑھتے ہوئے تشدد نے بالی ووڈ فنکاروں کو بھی آواز اٹھانے پر مجبور کر دیا ہے،فنکاروں اور سماجی کارکنوں کی جانب سے وزیر اعظم کو لکھے گئے خط میں مسلمانوں سمیت دیگر اقلیتوں پر ہونے والے تشددپر تشویش کا اظہار کرتے ہوئے کہا گیا ہے کہ مسلمانوں اور دیگر اقلیتوں پر ہونے والے تشدد کو اب بند ہونا ہوگا-
فنکاروں نے کہا ہم نے این سی آر بی (نیشنل کرائم ریکارڈزبیورو)کی رپو رٹس دیکھ کر حیران ہیں جس کے مطابق جنوری2009 سے لے کر اکتوبر 2018 تک بھارت میں مذب کی بنیاد پر 254 جرائم رپورٹ ہوئےاور کم سے کم 91 لوگوں کو قتل کیاگیا جب کہ ان واقعات میں579 لوگ زخمی ہوئے-