بھارتی حکومت کی ہٹ دھرمی برقرار، مقبوضہ کشمیر کے عوام کے حقوق دینے کے بیانات سے خود ہی منحرف ہو گئی. بھارتی حکومت نے سپریم کورٹ میں تحریری طور پر مقبوضہ کشمیر میں 4 جی انٹرنیٹ کی بحالی کی مخالفت کر دی. بھارتی حکومت نے دعویٰ کیا کہ مقبوضہ کشمیر میں تیز انٹرنیٹ کی فراہمی سے دہشت گردی کی کارروائیوں میں اضافہ ہوسکتا ہے جس سے بھارت کی قومی سلامتی خطرات کا شکار ہو جائے گی.بھارتی حکومت نے گزشتہ روز مقبوضہ کشمیر میں مجاہدین کے ہاتھوں بھارتی فوجیوں کی ہلاکتوں کو بنیاد بنا کر کہا کہ انٹرنیٹ کی رفتار تیز کرنے سے ایسے واقعات بڑھ جائیں گے.سپریم کورٹ نے بھارتی حکومت کا موقف سننے کے بعد مقبوضہ کشمیر میں 4 جی انٹرنیٹ کی بحالی کے حوالے سے دی جانے والی درخواست کے بارے میں فیصلہ محفوظ کر لیا.
بھارتی حکومت کی ہٹ دھرمی برقرار. بھارتی سپریم کورٹ میں مقبوضہ کشمیر میں 4 جی انٹرنیٹ کی بحالی کی مخالفت کر دی
Shares:
