سجل علی کی سب سے بڑی مداح ہوں :اداکارہ سونم باجوہ
پاکسان کی نامور اداکارہ سجل علی کے مداح صرف پاکستان میں ہی نہیں بھارت سمیت دنیا بھر میں موجود ہیں جو اداکارہ کے کام کو اکثر و بیشتر سراہتے رہتے ہیں
سجل علی 2017 میں بالی وڈ فلم ‘موم’ میں سری دیوی اور عدنان صدیقی کے ہمراہ جلوہ گر ہوئیں تھی اور ان کی بہترین اور جاندار اداکاری کی وجہ سے ان کو کافی شہرت حاصل ہوئی تھی اور اس کامیاب فلم کے بعد بعد ان کی فین فالوونگ میں تیزی سے اضافہ ہوا نہ صرف پاکستان بلکہ بھارت میں بھی جن میں سے ایک نامور بھارتی ماڈل اور اداکارہ سونم باجوہ بھی ہیں
ماڈل و اداکارہ سونم باجوہ نے بی بی سی کے میزبان ہارون راشد کو دیے گئے ایک انٹرویو میں سجل علی کے کام کی تعریف بھی کی سونم باجوہ کا کہنا تھا کہ وہ سجل علی کی بہت بڑی مداح ہیں سجل علی ایک بہترین اداکارہ ہیں انہیں یہ بتاتے ہوئے بےحد خوشی ہوتی ہے کہ انہوں نے سجل سے بہت کچھ سیکھا ہے وہ شاندار کام کرتی ہیں وہ اس دور کی بہترین اور شاندار اداکارہ ہیں اور سونم باجوہ نے مزید بات کرتے ہوئے کہا کہ وہ پاکستانی انٹرٹینمنٹ انڈسٹری سے بھی بےحد متاثر ہیں
انہوں نے مزید کہا کہ وہ اس وقت پاکستانی ڈرامے الف، میرے پاس تم ہو، یہ دل میرا دیکھ رہی ہیں وہ یہ ڈرامے دیکھ کر کافی حیران ہوتی ہوں اداکارہ نے کہا وہ ممبئی میں رہتی ہیں اس کے باوجود ان کا زیادہ تر کام پنجابی میں ہوتا ہے پنجابی انڈسٹری اتنی بڑی نہیں ان کے پاس بہت زیادہ کام کرنے کو نہیں ہوتا نہ اس کے بارے میں زیادہ معلومات ہوتی ہیں
دوسری جانب سجل علی نے بھی اپنے انسٹاگرام پر سونم باجوہ کا شکریہ ادا کیا ہے
