راولپنڈی: لائن آف کنٹرول پرپھربھارت کی دراندازی، پاک فوج کے دوجوان شہید، جوابی وار،بھارتی فوج کوبھارتی نقصان ،اطلاعات کے مطابق بھارت کی طرف سے آج پھر پاکستانی سرحدوں پردراندازی کی گئی ہے ، ادھر ذرائع کے مطابق بھارتی فوج کی فائرنگ سے لائن آف کنٹرول پر دو فوجی جوان شہید ہوگئے،
بھارتی فوج کی مکاری کا پاک فوج کے جوانوں نے بڑی دلیری سے جواب دیا ، پاک فوج نے اشتعال انگیزی کا بھرپور جواب دیا جس میں بھارت کو بڑے نقصان کا سامنا کرنا پڑا۔
پاک فوج کے شعبۂ تعلقات عامہ (آئی ایس پی آر) کی جانب سے جاری ہونے والے اعلامیے کے مطابق بھارتی فوج کی لائن آف کنٹرول پرجنگ بندی معاہدےکی خلاف ورزیاں جاری ہیں، آج بھارتی فوج کی لائن آف کنٹرول کے باگسر سیکٹر پر اشتعال فائرنگ کی۔
ترجمان کے مطابق فائرنگ کے تبادلے میں پاک فوج کے دو جوانوں نے جام شہادت نوش کیا، شہید ہونے والوں میں نائیک شاہ جہان اور سپاہی حمید شامل ہیں۔
واضح رہے کہ اس سے قبل دس دسمبر کو بھارتی فوج کی فائرنگ سے لائن آف کنٹرول پر تعینات دو فوجی جوان شہید ہوگئے تھے جبکہ پاک فوج نے بھرپور جواب دیتے ہوئے دشمن کے دانت کھٹے کیے، شہید ہونے والوں میں لانس نائیک طارق اور سپاہی ضروف شامل ہیں۔
Leave a reply
