بھارتی مشیر کی کشمیر پر بریفنگ مسترد کرتے ہیں، ترجمان دفتر خارجہ

ترجمان دفتر خارجہ نے کہا ہے کہ بھارت نے دو پاکستانیوں کو دہشت گرد بنا کر پیش کیا

باغی ٹی وی کی رپورٹ کے مطابق ترجمان دفتر خارجہ کا کہنا تھا کہ پاکستان نے مقبوضہ کشمیر میں حالات معمول پر آنے کا بھارتی دعوی مسترد کر دیا ۔ مقبوضہ کشمیر دنیا کی سب سے بڑی جیل بن چکا ہے ۔ کشمیری قیادت حریت رہنما نظر بند ہیں ۔ عالمی میڈیا انسانی حقوق کی تنظیمیں بھارتی مظالم کو بے نقاب کر رہی ہیں

ترجمان دفتر خارجہ کا مزید کہنا تھا کہ بھارتی قومی سلامتی مشیر کی بریفنگ کو مسترد کرتے ہیں بریفنگ میں غلط تاثر دیا گیا ۔کشمیر میں کرفیو مسلسل جاری ہے کسی کو گھروں سے نکلنے کی اجازت نہیں کشمیری مساجد میں نمازیں ادا نہیں کر سکتے کھانے پینے کی اشیا اور ادویات کی قلت ہو چکی ہے

ترجمان دفتر خارجہ کا مزید کہنا تھا کہ پاکستان کشمیریوں کی تحریک آزادی کی حمایت کرتا ہے اور سفارتی طور پر پاکستان بھارتی مظالم کے خلاف آواز اٹھاتا رہے گا