مقبوضہ کشمیر، ایک درجن سے زائد کشمیری نوجوان گرفتار

مقبوضہ کشمیر میں ، بھارتی فورسز نے مختلف علاقوں سے ایک درجن سے زائد نوجوانوں کو گرفتار کر لیا ہے۔

مقبوضہ کشمیر، ریاستی دہشت گردی میں مزید چھ کشمیری شہید

کشمیر میڈیا سروس کے مطابق بھارتی فوجیوںنے جموں خطے کے کشتواڑ ، ڈوڈا اور کٹھوعہ اضلاع سے وسیع پیمانے پر محاصرے اور تلاشی کی کارروائیوں کے دوران منظور احمد گنائی، نورمحمد ملک، فاروق احمد بٹ، مسعود احمد مٹو، محمد مظفر شاہ، غلام محمد کمال، توصیف احمد گنڈا ، سید احمد اور تاجر محمد شفیع سروری سمیت متعدد نوجوانوں کو گرفتار کیا۔

دریں اثنا ءبھارتی فورسز کی طرف سے گاندربل ، بانڈی پورہ ، رامبن ، کشتواڑ ، ڈوڈا ، کٹھوعہ اور متعدد دیگر اضلاع میں محاصرے اور تلاشی کی کاروائیاں جاری رہیں۔

مقبوضہ کشمیر، نماز جمعہ کے بعد لوگ سڑکوں پر، 12کشمیری گرفتار

واضح رہے کہ مقبوضہ کشمیر میں بھارتی فوجیوں نے ریاستی دہشت گردی کے دوران گذشتہ ماہ ستمبر میں ایک عورت اور دو لڑکوں سمیت 16کشمیری شہید کر دیے۔کشمیرمیڈیاسروس کے ریسرچ سیکشن کے اعداد و شمار کے مطابق ، چھ کشمیری جعلی مقابلوں میں شہید کیے گئے۔ ان شہادتوں سے ایک کشمیری عورت بیوہ اور دو بچے یتیم ہوگئے۔

مقبوضہ کشمیر، ماہ ستمبرمیں 16کشمیری شہید

ستمبر کے دوران بھارتی فوجیوں اور پولیس اہلکاروں نے پرامن مظاہرین پر گولیوں ، چھروں اور آنسوگیس کے گولوں سے فائرنگ کی جس سے 281 افراد زخمی ہوئے۔ دریں اثناءبھارتی فورسز نے حریت کارکنوں اور نوجوانوں سمیت 157 افراد کو گرفتار کیا۔