ممبئی: بالی ووڈ انڈسٹری کے مقبول گلوکار 77 برس کی عمر میں انتقال کر گئے-
باغی ٹی وی : بھارتی میڈیا رپورٹ کے مطابق بالی ووڈ انڈسٹری کے مقبول ترین گیت ’تجھ سے ناراض نہیں زندگی حیران ہوں میں‘ کو اپنی آواز دینے والے انوپ گھوسل کولکتا میں چل بسے، ان کی عمر 77 برس تھی،وہ گزشتہ کئی دنوں سے کولکتہ کے پرائیویٹ اسپتال میں زیر علاج تھے، متعدد جسمانی اعضا کا ناکارہ ہونا اُن کی موت کی وجہ بنا، انہوں نے پسماندگان میں 2 بیٹیاں چھوڑی ہیں-
انوپ گھوسل بنگالی گلوکار تھے، انہیں 1983 کی فلم معصوم کے گانے ’ تجھ سے ناراض نہیں زندگی حیران ہوں میں‘سے شہرت پائیانہیں ستیہ جیت رائے کی موسیقی پر مبنی گانوں نے بھی امر کیا، انوپ گھوسل نے 2011 میں مغربی بنگال کی اسمبلی کا الیکشن لڑا اور ترمول کانگریس کے ٹکٹ پر کامیاب قرار پائے تھے۔
وہاج علی ایشیا کی 10 مقبول ترین شوبز شخصیات میں شامل
ریاست مغربی بنگال کی وزیراعلیٰ ممتا بینر جی نے اُن کی موت پر گہرے دکھ کا اظہار کرتے ہوئے لواحقین سے تعزیت کی اور کہا کہ انوپ گھوسل نے بنگالی، ہندی اور دیگر زبانوں میں کئی گانے گائے ہیں۔
