انڈس اسپتال نے تین گھنٹے تک خواجہ سرا مریض کو داخل نہیں کیا،پہلی خواجہ سرا وکیل

پہلی خواجہ سرا وکیل نے کہاہے کہ انڈس اسپتال انتظامیہ نے تین گھنٹے تک خواجہ سرا مریض کو اسپتال میں داخل نہیں کیا۔پہلی خواجہ سرا وکیل نشا رائو نے الزام لگایا کہ انتظامیہ نے مریض خواجہ سرا کا علاج سے انکار کیا اور بدتمیزی کی وجہ پوچھنے پر اسپتال انتظامیہ آپے سے باہر ہوگئی۔ اور اسپتال انتظامیہ نے انتہائی بدتمیزی کی۔
نشا رائو نے کہا کہ مددگار 15 کو کال کر کے مدد لی گئی۔ اسپتال انتظامیہ فنڈز لیتے ہیں مگر علاج نہیں دے رہے ہیں۔ کیا خواجہ سرا انسان نہیں ہیں انڈس اسپتال انتظامیہ نے تین گھنٹے تک مریض داخل نہیں کیا۔ مجبور ہوکر مددگار 15 پولیس کو بلایا اس کے بعد مریض کو داخل کیا ہے۔انہوں نے وزیر اعلی سندھ مراد علی شاہ سے اپیل کی ہے کہ واقعہ کا نوٹس لیا جائے۔